1 اقپان كۇنى تەرەڭوزەك كەنتىندە سىرداريا اۋدانىنىڭ اكىمى عانيبەك قازانتاەۆ حالىق الدىندا ەسەپ بەردى. كەزدەسۋگە قىزىلوردا وبلىسىنىڭ اكىمى قىرىمبەك كوشەرباەۆ جانە قر پرەزيدەنتى اكىمشىلىگىنىڭ مەملەكەتتىك ينسپەكتورى نۇرلان تىلەشوۆ قاتىستى.
اۋدان اكىمى ع.قازانتاەۆ 2016 جىلى اتقارىلعان جۇمىستار بارىسىن بايانداپ, وسى جىلعا مەجەلەنگەن جوسپارلارىمەن ءبولىستى.
سىرداريا اۋدانى – ايماقتاعى الدىڭعى قاتارلى اۋدانداردىڭ ءبىرى, سونىڭ ارقاسىندا جىل سايىن اۋىل شارۋاشىلىق سالاسىنداعى جەتىستىكتەرى ءۇشىن ماراپاتتالىپ كەلەدى.
2016 جىلدىڭ قورىتىندىسى بويىنشا اۋدان, اۋىل شارۋاشىلىعى ونىمدەرىنىڭ كولەمى جاعىنان دا ايماقتا كوش باسىندا تۇر. اۋداننىڭ بيۋدجەتى 7 ملرد.354,6 ملن. تەڭگە, سونىڭ ىشىندە اۋداننىڭ ءوز كىرىسى - 4 ملرد. 328,6 تەڭگەنى قۇرادى. جاڭادان الەۋمەتتىك, اكىمشىلىك نىساندار بوي كوتەرىپ, جولدار سالىندى. ەلدى مەكەندەردى كوگالداندىرۋدا اۋقىمدى جۇمىستار اتقارىلۋدا. اۋداندا اۋىز سۋ ماسەلەسى تۇبەگەيلى شەشىمىن تاپقان. بيىل دا جاڭا جولدار سالىنىپ, جوندەۋ جۇمىستارى جالعاسىن تاباتىن بولادى. سونداي-اق, الەۋمەتتىك نىسانداردىڭ قۇرىلىسى جۇرگىزىلىپ, اۋىل شارۋاشىلىعى, ونەركاسىپ جانە ەكونوميكانىڭ وزگە دە سالالارىن دامىتۋعا دەن قويىلماقشى.
ەسەپتىك كەزدەسۋ بارىسىندا اۋدان تۇرعىندارىن قاۋىننىڭ «تورپەدا» سورتىن رەسەي فەدەراتسياسىنا ەكسپورتتاۋ ماسەلەسى قىزىقتىردى. مۇنان بولەك, تۇرعىن ءۇي قۇرىلىسى, ەلدى مەكەندەردى دامىتۋ, تەرەڭوزەك كەنتىندەگى ورتالىق ستاديوننىڭ جوندەۋ جۇمىستارى سياقتى بىرقاتار وزەكتى ماسەلەلەرگە قاتىستى ساۋالدارىن جولدادى.