قازاقستاندىق تەننيسشى يۋليا پۋتينتسەۆا سانكت-پەتەربۋرگ قالاسىندا ءوتىپ جاتقان «St.Petersburg Ladies Trophy» ءتۋرنيرىنىڭ شيرەك فينالىنا شىقتى, دەپ حابارلايدى vesti.kz.
قازاقستاننىڭ ءبىرىنشى ءنومىرلى تەننيسشىسى 1/8 فينالدا گەرمانيالىق اننيكا بەكتى 6:4, 6:0 ەسەبىمەن جەڭدى. ويىن بار بولعانى 1 ساعات 16 مينۋتقا جالعاستى. ەندى شيرەك فينالدا وتانداسىمىز داريا گاۆريلوۆا (اۆستراليا) – سۆەتلانا كۋزنەتسوۆا (رەسەي) اراسىنداعى جەڭىمپازبەن كەزدەسەدى.
ايتا كەتەيىك, سانكت-پەتەربۋرگ قالاسىندا ءوتىپ جاتقان تۋرنيرگە قازاقستاندىق تەننيسشىلەردەن ياروسلاۆا شۆەدوۆا قاتىسقان ەدى. الايدا, ول دودانىڭ ءبىرىنشى اينالىمىندا اۆستراليالىق ناتاليا ۆيحليانتسەۆاعا 3:6, 4:6 ەسەبىمەن ەسە جىبەرگەن بولاتىن.