ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ قازاقستاننىڭ بيزنەس احۋالىن ءارى قاراي جەتىلدىرۋ ماسەلەلەرى جونىندە كەڭەس وتكىزدى, دەپ حابارلايدى primeminister.kz.
كەڭەس بارىسىندا حالىقارالىق ساراپشىلاردىڭ ۇسىنىستارىنىڭ نەگىزىندە ازىرلەنگەن جانە دۇنيەجۇزىلىك بانكتىڭ «Doing Business» تىزىمىندەگى قازاقستان پوزيتسياسىن جاقسارتۋعا باعىتتالعان جاڭا زاڭ شىعارۋ باستامالارىنىڭ پاكەتى قاراستىرىلدى.
ايتا كەتەيىك, 2016 جىلعى 25 قازاندا جاريالانعان «Doing Business» رەيتينگىسىنىڭ ناتيجەسى بويىنشا قازاقستان وتكەن جىلعىمەن سالىستىرعاندا ءوز رەيتينگىسىن 16 ورىنعا جوعارىلاتىپ, 35 ورىندى يەلەندى جانە بەلگيا (42), يتاليا (50), يزرايل (52), گرەكيا (61), تۇركيا (69) سەكىلدى ەىدۇ ەلدەرىنەن جوعارى ورىنعا شىقتى.