بۇگىن قازاقستان رەسپۋبليكاسى ۇكىمەتىنىڭ قاۋلىسىمەن قر ينۆەستيتسيالار جانە دامۋ ۆيتسە-ءمينيسترى بولىپ رومان سكليار تاعايىندالدى. وسىعان بايلانىستى قر ينۆەستيتسيالار جانە دامۋ ءمينيسترى جەڭىس قاسىمبەك جاڭا ۆيتسە-مينيستر رومان سكلياردى ۇجىمعا تانىستىردى, دەپ حابارلايدى ۆەدومستۆونىڭ رەسمي وكىلى بەرىك ءۋالي فەيسبۋكتاعى پاراقشاسىندا.
ول بۇرىنعى ينۆەستيتسيالار جانە دامۋ ۆيتسە-ءمينيسترى بەرىك كاماليەۆتىڭ ورنىنا كەلىپ, كولىك بلوگىنىڭ قىزمەتىنە (كولىك كوميتەتى, اۆتوموبيل جولدارى كوميتەتى, ازاماتتىق اۆياتسيا كوميتەتى, ءترانزيتتى دامىتۋ جانە كولىك لوگيستيكاسى دەپارتامەنتى) باقىلاۋ جاساپ, قىزمەتىن ۇيلەستىرىپ وتىراتىن بولادى.
ەستەرىڭىزگە سالا كەتەيىك, رومان سكليار بۇعان دەيىن قر ۇلتتىق ەكونوميكا ۆيتسە-ءمينيسترى بولىپ قىزمەت اتقاردى.