ون كوماندا قاتىسقان تارتىستا تەمىرتاۋلىقتار ءبىرىنشى ورىننان كورىنسە, اقجالدىقتار مەن استانالىقتار مارەگە ۇزەڭگىلەس كەلدى. ولارعا وسىناۋ ءتۋرنيردى ۇيىمداستىرۋشىلار تاراپىنان اقشالاي سىيلىقتار بەرىلدى. سونىمەن بىرگە, «ۇزدىك شابۋىلشى», «ۇزدىك قورعاۋشى» «ۆولەيبول سپورتىنىڭ ارداگەرى» اتانعان يۋري سەنكەۆيچ, ازامات بالاعازينوۆ جانە مارات وسپانوۆقا دا سىي-سياپات كورسەتىلدى.
– بۇل جارىستىڭ ارقاسىندا وبلىسىمىزدا ۆولەيبول سپورتىن دامىتۋعا ۇلكەن قوزعاۋ سالىنىپ وتىر. ءابدىحانوۆ اتىنداعى تۋرنيردە تانىلعان جىگىتتەردىڭ ءبىرازى تاڭداۋلى كوماندالار قۇرامىنا تارتىلىپ, حالىقارالىق جارىستاردا كوزگە ءتۇسىپ ءجۇر, – دەيدى جارىستىڭ باس تورەشىسى بولات دۇيسەباەۆ.
وسىناۋ يگىلىكتى باستامانى كوتەرۋشى ءابدىحانوۆتار اۋلەتى جارىس اياسىن كەڭەيتۋدى ويلايدى. الداعى جىلى رەسپۋبليكالىق بىرىنشىلىككە ۇلاستىرۋ, قاراعاندى ايماعىن ۆولەيبول سپورتى ورداسىنا اينالدىرۋ نەگىزگى ماقسات. ءوتۋى ءبىر تۇستىك, ەستە قالۋى ءبىر كۇندىك جيىن-تويلاردان گورى ءمانى مەن ءجونى بولەك وسىنداي جارىستاردىڭ ءتۇر-ءتۇرىن وزگە دە جاناشىرلار ورىستەتە تۇسسە, نۇر ۇستىنە نۇر-اق.
ايقىن نەسىپباي قاراعاندى