ۇكىمەت ۇيىندە پرەمەر-مينيستر باقىتجان ساعىنتاەۆ ەستونيانىڭ ەلەكتروندى باسقارۋ اكادەمياسىنىڭ (e-Governance Academy) ديرەكتورى يۆار تاللومەن كەزدەسۋ وتكىزدى. كەزدەسۋ بارىسىندا قازاقستاندا «ەلەكتروندى ۇكىمەتتى» جەتىلدىرۋ مەن ودان ءارى دامىتۋ ماسەلەلەرى تالقىلاندى.
قازىرگى تاڭدا مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىندا بەرىلگەن تاپسىرمالاردى ىسكە اسىرۋ اياسىندا ەل ۇكىمەتى «تسيفرلى قازاقستان» مەملەكەتتىك باعدارلاماسىنىڭ جوباسىن ازىرلەپ جاتىر. تسيفرلىق ترانسفورماتسيانى جۇرگىزۋ, سونىڭ ىشىندە «پرواكتيۆتى ۇكىمەتكە» اۋىسۋ, مەملەكەتتىك قىزمەتتەر كورسەتۋ ۇدەرىسىنە جاڭا تەحنولوگيالاردى ەنگىزۋ «ەلەكتروندى ۇكىمەت» ينفراقۇرىلىمىنىڭ ءاۋديتىن وتكىزۋدى تالاپ ەتەدى.