قازاقستاننىڭ قۇرمەتتى ساۋلەتشىسى سايىن نازاربەك ۇلى كاسپي جانىنداعى ەڭ ۇلكەن ۇڭگىردى عيمارات رەتىندە قولدانۋدى ۇسىنىپ وتىر. اباي قۇنانباي ۇلى مەن دومالاق انا كەسەنەلەرىن قايتا جاڭعىرتقان تانىمال ارحيتەكتور جوسپارىنا قالا اكىمدىگى قولداۋ ءبىلدىردى. ۇزىندىعى – 70, بيىكتىگى 2 مەترلىك ۇڭگىر ورتاسىنا تاستان كيىز ءۇي پىشىندەس عيمارات سالىنىپ, ىشىنە قازاقتىڭ كونە جازۋلارى قاشالىپ تۇسىرىلمەك. مەملەكەتتىك جانە اعىلشىن تىلدەرىندە جازىلاتىن دەرەكتەردەن ەرتە زامانعى شۋمەر جازبالارىنان باستاپ كۇلتەگىن, ورحون-ەنيسەي, تونىكوك جازۋلارىنىڭ, ىلە بويى, قاراتاۋ مەن ماڭعىستاۋ جەرىندەگى شار تارىزدەس تاستاردا بەينەلەنگەن تاڭبالار تاريحىن كورۋگە بولادى.
«مادەنيەت سويلەۋدەن باستالادى, ەكىنشى – جازۋدان. سوندا ءبىزدىڭ ءسوزىمىز 5500 جىل بۇرىن ءومىر سۇرگەن شۋمەرلەردىڭ تىلىندە جۇرسە, ءبىزدىڭ جازۋىمىز سول زاماننان بەرى جالعاسىپ كەلە جاتسا, قازاق حالقىنان ۇلى حالىق بار ما؟ جوق. ەڭ ۇلى حالىقتاردىڭ ءبىرىمىز. سونى جاستاردىڭ جۇرەگىنە ءسىڭىرۋ كەرەك. ەلباسى ايتىپ وتىر عوي «ماڭگىلىك ەل بولامىز» دەپ. ماڭگىلىك ەلدىڭ بەلگىلەرى وسى», دەدى قازاقستاننىڭ ەڭبەك سىڭىرگەن قايراتكەرى سايىن نازاربەك.