ءبىز راقىمجان اعامىزدى باتىر رەتىندە ەرەكشە ماقتان ەتەمىز. كىندىك قانى تامعان قازىرگى اقمولا وبلىسىنىڭ تسەلينوگراد اۋدانىنا قاراستى قابانباي اۋىلىنا كەلۋى ءبىز ءۇشىن مارتەبە بولاتىن. جەرلەستەرىنىڭ قاھارمانمەن كەزدەسۋى ەلدىڭ رۋحىن كوتەرىپ, ەرەكشە ءبىر كوڭىل كۇي سىيلاۋشى ەدى. وتكەندە فوتوالبومدى اقتارىپ وتىرىپ, باتىر ومىرىنە قاتىستى تاريحي سۋرەتكە كوزىم ءتۇستى. وسىدان تۇپ-تۋرا 41 جىل بۇرىن راحىمجان اعامىز جەرلەستەرىمەن – سوعىس جانە تىل ارداگەرلەرىمەن كەزدەسۋدەن سوڭ سۋرەتكە تۇسكەن ەدى. سۋرەتتە 30 ءساۋىر 1976 جىل دەپ تاڭبالانىپتى. مادەنيەت ۇيىندەگى كەزدەسۋدەن سوڭ راقىمجان اعامىز اعاناس اۋىلىنا ات باسىن بۇرىپ, ورتا مەكتەپتە جينالعان اۋىل تۇرعىندارىمەن, مەكتەپ وقۋشىلارمەن كەزدەسۋ وتكىزدى. باتىر اعامىزدىڭ سول كەزدەسۋدە ايتقانى ءالى ەسىمدە. ء«تورت جىل بويى قيان-كەسكى سۇراپىل سوعىستا وت پەن جالىن كەشكەن اعالارىڭنىڭ ءبىرى رەتىندە ايتارىم: اكەلەر داڭقىن قاستەرلەڭدەر, مايدانگەرلەردىڭ جورىق جولدارىنىڭ باتىرلىق شەجىرەسىن تەرىپ, قاھارمان كەڭەس جاۋىنگەرلەرىنىڭ وشپەس ەرلىگىن ونەگە تۇتىڭدار! وسى ونەگە سەندەردى ەرلىككە, باتىرلىققا باۋليدى, تاڭعاجايىپ نۇرلى ءومىر ورناتۋ جولىنداعى كۇرەستەردە جەڭىسكە جەتكىزەدى», دەگەن بولاتىن راقىمجان اعا. جەڭىس مەرەكەسى قارساڭىندا باتىر راقىمجان قوشقارباەۆتىڭ ومىرىنەن سىر شەرتەتىن فوتوسۋرەتتى «ەگەمەن قازاقستان» وقىرماندارىنا ۇسىنۋدى ءجون كوردىم.
ەردەن اباەۆ, تىل ارداگەرى, تسەلينوگراد اۋدانىنىڭ قۇرمەتتى ازاماتى اقمولا وبلىسى