ۆارشاۆادا قازاقستان ەلشىلىگىنىڭ باستاماسىمەن پولياك تىلىندە «قوبىلاندى باتىر» داستانى جارىق كوردى.
قازاقستاننىڭ پولشاداعى ەلشىسى الەكسەي ۆولكوۆ باسىلىمعا جازعان العىسوزىندە: «ءبىز قازىرگىنى جاقسى كورۋ ءۇشىن, ءوتكەنگە كوز جۇگىرتەمىز. قازاقستان حالقىنىڭ بىرلىگى ونىڭ تاريحىندا ەرەكشە ورىنعا يە, بۇل فاكتور ارقاشاندا ەل ءساتتىلىگىنىڭ كەپىلى مەن دامۋىنىڭ قوزعاۋشى كۇشى بولىپ قالا بەرمەك», – دەپ اتاپ وتەدى. ونىڭ پىكىرىنشە, «حالىقتىڭ ۇيىمشىلدىعى مەن تاۋەلسىز قازاقستانعا دەگەن سەنىمى ەكى تاريحي تۇلعانى, قازىرگى جانە وتكەن كەزەڭنىڭ بەلگىلى تۇلعالارى – قوبىلاندى مەن قازاقستاننىڭ تۇڭعىش پرەزيدەنتى جانە ۇلت كوشباسشىسى نۇرسۇلتان نازارباەۆتى كورىنبەيتىن جىپپەن بايلاپ قويعانداي».
بۇل ءبىزدىڭ ەلىمىزدىڭ پولشاداعى ديپلوماتيالىق وكىلدىگىنىڭ قازاقستان تۋرالى شىعارىپ وتىرعان 9-ىنشى باسىلىمى. ديپلوماتتار كىتاپتاردى قازاق ءجانە پولياك تىلدەرىندە شىعارۋ ەكى ەلدىڭ تاريحي جانە مادەني ءداستۇرلەرىنىڭ تەرەڭ بايلانىسىن, قازاق جانە پولياك حالىقتارىنىڭ شىنايى دوستىق قارىم-قاتىناسىنىڭ ايقىن كورىنىسى دەپ باعالايدى.
قازاق حالقىنىڭ باي مۇراسىندا «قوبىلاندى» داستانى ەرەكشە ورىنعا يە ەكەنى بەلگىلى. بۇل داستان جۇزدەگەن جىلدار بويى اۋىزشا, ۇرپاقتان-ۇرپاققا بەرىلىپ, عاسىرلار بويى دالا تۇرعىندارىنىڭ جۇرەكتەرىن تەربەپ كەلدى. شىعارما قازاق حالقىنىڭ ءومىرىنىڭ, ونىڭ ۇلتتىق دۇنيەتانىمىنىڭ ءوزىندىك ەنتسيكلوپەدياسى بولىپ تابىلادى.
«ەگەمەن-اقپارات».