قۇجاتتا ورىلگەن تاريح

تاريحي قۇجاتتىڭ ۇلت شەجىرەسى ءۇشىن الار ورنى تىم بولەك. قۇ­جاتتاردىڭ سالماعىن حالىققا جەت­كىزۋ ءۇشىن كەشە قازاقستان رەس­پۋبليكاسىنىڭ ۇلتتىق مۇرا­عاتى ەل تاۋەلسىزدىگىنىڭ 20 جىل­دىعىنا ارنالعان «تاۋەلسىز قا­زاقستان: بەيبىتشىلىك پەن جاسام­پازدىقتىڭ 20 جىلى» اتتى قۇ­جات­تىق كورمە ۇيىمداستىردى. قۇجاتتىق كورمەنىڭ ەكسپو­زي­تسيا­سى 7 بولىمنەن تۇرادى. «نۇر­سۇلتان ءابىش ۇلى نازارباەۆ – قا­زاقستان رەس­پۋبليكاسىنىڭ پرەزيدەنتى – ەل­باسى» اتتى بولىمدە قا­زاقستان رەس­پۋبليكاسىنىڭ 1995 جىلدىڭ 26 جەل­توقسانىنداعى «قا­زاقستان رەس­پۋب­ليكاسىنىڭ پرەزيدەنتى تۋرالى» كونستيتۋتسيالىق زاڭى, 1991 جىل­دىڭ 10 جەلتوق­سا­نىنداعى قازاق­ستان رەسپۋبليك­ا­سى جوعارعى كەڭە­سىنىڭ «قازاق­ستان رەسپۋبليكاسى پرەزي­دەن­تىنىڭ قىزمەتىنە كىرىسۋى تۋ­را­لى» قاۋلىسى سىندى ەل پرەزيدەنتى قىزمەتىنە بايلانىستى كوپ­تەگەن قۇجاتتار قوي­ىلعان. ال «قازاقستان رەسپۋب­لي­كاسى كونس­تيتۋتسياسىنىڭ قابىل­دا­نۋى», «قا­زاقستان رەسپۋب­لي­­كا­سى­نىڭ مەملەكەتتىك رامىزدەرى», «قا­زاقستان ءجا­نە حالىقارالىق ۇي­ىم­دار», «قا­زاقستان – 2030 سترا­تە­گياسى – ەكونوميكانىڭ قازاق­ستان­دىق ءۇل­گى­سى», «ارمانى بيىك استانا» اتتى بولىمدەردە دە ءتۇرلى مازمۇنى تە­رەڭ, تاعىلىمى مول قۇجاتتاردى كەزدەستىرە الاسىز. كورمەگە قازاقستان رەسپۋبلي­كاسىنىڭ ۇلتتىق مۇرا­عاتى, ور­تا­لىق مەملەكەتتىك مۇراعات پەن ور­تا­لىق مەملەكەتتىك كينوفو­تو­قۇ­جات­تار جانە دىبىس جازبالار مۇرا­عا­تىنىڭ 250 مۇراعاتتىق قۇ­جات­تارى مەن ماتەريالدارى ىرىكتەلىپ الىن­عان. سونداي-اق, العاش رەت «استاناگوسارحيتەكتۋرا» جشس-ءنىڭ فوتوقۇ­جات­تارى مەن استانا قالاسىندا بوي كوتەرگەن عيما­رات­تار ماكەتتەرى مەن «كازاحستانسكايا پراۆدا» گازەتىنىڭ فو­توتىلشىسى ي. بۋرگاندينوۆتىڭ جەكە مۇرا­عا­تىن­داعى سۋرەتتەر قويىلعان. كورمەنىڭ سالتاناتتى اشىلۋ راسىمىندە ءسوز سويلەگەن بايلانىس جانە اقپارات مينيسترلىگى اقپا­رات جانە مۇراعات كوميتەتى ءتور­اعا­سىنىڭ ورىنباسارى ەربول شاي­مەردەن ءوتىپ جاتقان قۇجات كور­مە­سىنىڭ ماڭىزدىلىعىنا توق­تالدى. كورمەگە كەلۋشىلەر قۇجات­تار­دان بولەك ەل تاۋەلسىزدىگىنە ارنا­لىپ تۇسىرىلگەن قىسقامەتراجدى دەرەكتى ءفيلمدى دە تاماشالادى. اراي ۇيرەنىشبەكقىزى.