قازاقستاندا ينسۋلتتان بولاتىن ءولىم 4%-عا تومەندەدى. وعان مامانداندىرىلعان ورتالىقتار جەلىسىن كەڭەيتۋدىڭ جانە پروفيلاكتيكاعا جاڭا ستاندارتتاردى ەنگىزۋدىڭ ارقاسىندا قول جەتكەن. بۇل تۋرالى دەنساۋلىق ساقتاۋ ءمينيسترى اقمارال ءالنازاروۆا ۆەدومستۆو القاسىنىڭ وتىرىسىندا ايتتى, دەپ حابارلايدى Egemen.kz.
ءمينيستردىڭ مالىمەتىنشە, ەمدەلگەن پاتسيەنتتەردىڭ سانى 8,3%-عا, 49 مىڭنان 53 مىڭعا دەيىن, ال جۇرگىزىلگەن ءترومبوليزدىڭ ۇلەسى 11%-عا ءوسىپ, ينسۋلتتان بولاتىن ءولىم 4%-عا تومەندەگەن.
الماتىدا قانشا جاڭا مەديتسينالىق مەكەمە بوي كوتەرەدى؟
مينيسترلىكتىڭ دەرەگىنشە, ينسۋلت قاناينالىم جۇيەسى (قاج) اۋرۋلارىنان بولاتىن ءولىمنىڭ جالپى قۇرىلىمىندا 32%-دى قۇرايدى.
«وڭىرلەردەگى باس شتاتتان تىس كارديولوگتار جەتەكشىلىك ەتەتىن بەيىندى عىلىمي ينستيتۋتتارمەن تىعىز ءوزارا ءىس-قيمىلدى قامتاماسىز ەتە وتىرىپ جانە ولاردان جان-جاقتى ادىستەمەلىك قولداۋ الا وتىرىپ, ۇيلەستىرۋ جانە ۇيىمداستىرۋ-ادىستەمەلىك جۇمىستى كۇشەيتۋى ءتيىس», دەپ اتاپ ءوتتى دەنساۋلىق ساقتاۋ مينيسترلىگىنىڭ باسشىسى.
مينيستر اتاپ وتكەندەي, ستاتسيونار مەن امبۋلاتوريالىق قىزمەتتىڭ اراسىنداعى كادرلىق تەڭگەرىمسىزدىكتى جويۋ قاجەت, وندا جۇرەك-قان تامىرلارى اۋرۋلارى بار ناۋقاستاردى انىقتاۋ جانە باسقارۋ بويىنشا نەگىزگى جۇكتەمە قالىپتاسادى.
قوسىمشا مەديتسينالىق ءبىلىم ساپاسىنا قويىلاتىن تالاپ كۇشەيدى
«تسەرەبروۆاسكۋليارلىق بۇزىلىستاردى ەرتە انىقتاۋ ءۇشىن سكرينينگ ەنگىزىلىپ, ينسۋلت الەۋمەتتىك ءمانى بار اۋرۋلاردىڭ تىزبەسىنە ەنگىزىلدى. ينسۋلتتان كەيىن پاتسيەنتتەردى ديسپانسەرلىك ەسەپكە قويۋ مەرزىمى 30-دان 15 كۇنگە دەيىن قىسقارتىلدى», دەدى مينيستر.