ىسكە ءسات!

ەلىمىزدىڭ يندۋستريالىق نىساندارىنا ارنالعان استاناداعى  تەلەكوپىردە ەلباسىنا تانىستىرىلعان جاڭا جوبالار ەلىمىزدىڭ يندۋستريالاندىرۋ كارتاسىنا قۇنى 8,3 ترلن.تەڭگە تۇراتىن 469 جوبا ەنگىزىلگەن. ولاردىڭ قۇرىلىس كەزەڭىندە 141 مىڭ, پايدالانۋ كەزەڭىندە 166 مىڭ جۇمىس ورنى اشىلاتىن بولدى. سولاردىڭ ىشىندە  2010 جىلى يندۋستريالاندىرۋ كارتاسىنىڭ قۇنى 800 ملرد. تەڭگە تۇراتىن 152 جوباسى پايدالانۋعا بەرىلدى. وسىنىڭ نەگىزىندە 23 مىڭ تۇراقتى جاڭا جۇمىس ورنى قۇرىلدى. ال اعىمداعى جىلدىڭ ءبىرىنشى جارتىجىلدىعىندا قۇنى 114 ملرد. تەڭگەنى قۇرايتىن 75 ينۆەستيتسيالىق جوبا ىسكە قوسىلادى. بۇل تاعى دا 6 مىڭ تۇراقتى جۇمىس ورنى اشىلدى دەگەن ءسوز. سولاردىڭ ىشىندە 8 جوبا تىكەلەي تەلەكوپىر ارقىلى ەلباسىنا تانىستىرىلدى. تومەندە ەلباسىنىڭ باتاسىمەن ءار سالا بويىنشا ىسكە قوسىلعان وسى سەرپىندى 8 جوبانىڭ وندىرىستىك سيپاتتاماسى مەن الەۋمەتتىك ماڭىزى جونىندەگى دەرەكتەمەلەردى ۇسىنىپ وتىرمىز. _______________________ التىن كاسىپشىلىگىندە جوبانىڭ اتاۋى: اقباقاي التىن شىعارۋ فابريكاسىنىڭ التىن ءوندىرىسىن جىلىنا 2,8 تونناعا ءوسىرۋ. جوباعا ءوتىنىش بەرۋشى: «التىنالماس» اق سالا: كەن-مەتاللۋرگيا ونەركاسىبى ءوڭىر: جامبىل وبلىسى جوبانىڭ قۇنى: 8 140 ملن. تەڭگە قۋاتتىلىعى: ونىمدىلىگىن جىلىنا 1,000,000 توننا شيكىزاتقا دەيىن جەتكىزۋ جۇمىس ورىندارىنىڭ سانى: قۇرىلىس كەزەڭىندە 100, پايدالانۋ كەزەڭىندە 450. جوبا بويىنشا الەۋمەتتىك-ماڭىزدى اقپارات «التىنالماس» اق التىن شىعارۋ ءۇشىن وزىق تەحنيكا مەن زاماناۋي شەتەلدىك جەتىستىكتەردى پايدالانىپ, قۇرامىندا التىنى بار رۋدانى وڭدەۋ بويىنشا ينۆەستيتسيالىق جوبانى جۇزەگە اسىرادى. جوبانىڭ قۇنى 8 140 ملن.تەڭگەنى قۇرايدى. 450 جاڭا جۇمىس ورنى اشىلادى. كاسىپورىندى جۇمىسقا قوسۋ اقباقاي كەنتى سۋ كوزىن يەلەنەدى دەگەن ءسوز. سونداي-اق, ونەركاسىپ ەنەرگيا جۇيەسىن قالپى­نا كەلتىرۋگە جانە مودەرنيزاتسيالاۋعا مۇمكىندىك بەرەدى. كاسىپورىندا كەنت تۇرعىندارى دا پايدالانا الاتىن كۇشەي­تىلگەن مەديتسينالىق قىزمەت قۇرىلادى. وسىعان قوسا, جوبا­لانىپ وتىرعان قۋاتىنا شىققان كەزدە اعىمداعى باعالار مەن التىنعا دەگەن سۇرانىستى پايدالانىپ, كاسىپورىن ەل بيۋدجەتىنە 3,0 ملرد. تەڭگەگە دەيىن سالىق تولەي الادى. شيكىزاتتى ءوندىرۋ قۋاتتىلىعى جىلىنا 1,0 ملن.تونناعا نەمەسە 14,0 ملرد.تەڭگەگە دەيىن وسەدى. ەنەرگەتيكا كەشەنىندە جوبانىڭ اتاۋى: ەكىباستۇز ماەس-2 كەڭەيتۋ جانە قايتا قۇرۋ جوباعا ءوتىنىش بەرۋشى: «سامۇرىق-ەنەرگو» اق سالا: ەنەرگەتيكا ءوڭىر: پاۆلودار وبلىسى جوبانىڭ قۇنى: 113 500 ملن. تەڭگە قۋاتتىلىعى: 525 مۆت جۇمىس ورىندارىنىڭ سانى: قۇرىلىس كەزەڭىندە 750, پايدالانۋ كەزەڭىندە 300. جوبا بويىنشا الەۋمەتتىك-ماڭىزدى اقپارات وسى جوبانى جۇزەگە اسىرۋ بەلگىلەنگەن قۋاتىن 1500 مۆت-قا دەيىن جەتكىزۋگە مۇمكىندىك بەرەدى. جوبا بىرلەسكەن كاسىپورىن جۇمىسىنىڭ تيىمدىلىگىن قامتاماسىز ەتۋ ءۇشىن ءوندىرىستى كەڭەي­تۋگە; قازاقستاننىڭ ەنەرگەتيكالىق تاۋەلسىزدىگى مەن ەنەرگەتي­كالىق قاۋىپسىزدىگىن ارتتىرۋعا باعىتتالعان. جوبالاۋ-سمەتالىق قۇجاتتاماسى (كوتەس قازاقستان) تولىق كولەمدە «جوبا» كەزەڭىندە ازىرلەندى, «مەمساراپتاۋ» رمك-دان 2010 جىلعى 27 قاراشاداعى № 01-572/10 وڭ قورىتىندى الىندى. «جۇمىسشى قۇجاتتاما» كەزەڭىنىڭ جوبالاۋ جۇمىستارى جارتىلاي ورىندالدى. تاپسىرىس بەرۋشى ينجەنەر قىزمەتتەرىن الەۋەتتى جەتكىزۋشىلەرىن انىقتاۋ جۇمىسى جۇرگىزىلىپ, وسىنىڭ قورىتىندىسى بويىنشا «Lahmeyer International» فيرماسى قۇرامىنداعى كونسورتسيۋم جانە او «قازاق مۇناي جانە گاز ينستيتۋتى» اق ىرىكتەلىپ الىندى. جوبا بويىنشا باس جوبالاۋشى مەن تاپسىرىس بەرۋشى ينجەنەردىڭ قاتىسۋىمەن نەگىزگى جابدىقتى جاساۋعا تەحنيكالىق تاپسىرمالار وڭدەلىپ, بەكىتىلدى. وسى كەزدە باس مەردىگەر مەن نەگىزگى جابدىقتى جەتكىزۋشىلەردى ىرىكتەۋ ءۇشىن دايىندىق جۇمىستارى جۇرگىزىلىپ جاتىر. 2011 جىلعى 23 ماۋسىمدا «ەكىباستۇز ماەس-2» اق, سىرتقى ەكونومبانك (سەب) جانە ەۋرازيالىق دامۋ بانكى (ەادب) اراسىندا كرەديتتىك كەلىسىمگە قول قويىلدى. اۆتوكولىك قۇراستىرۋ كاسىپورنىندا جوبانىڭ اتاۋى: قوستاناي قالاسىندا «SsangYong» ماركالى اۆتوموبيلدەردى قۇراستىرۋ ءوندىرىسىن ۇيىمداستىرۋ جوباعا ءوتىنىش بەرۋشى: «اگروماشحولدينگ» اق سالا: ماشينا جاساۋ ءوڭىر: قوستاناي وبلىسى جوبانىڭ قۇنى: 2 400 ملن. تەڭگە قۋاتتىلىعى: 2011 جىلى 1000-نان اسا اۆتوموبيل, 2015 جىلى - 7500 بىرلىك. جۇمىس ورىندارىنىڭ سانى: قۇرىلىس كەزەڭىندە - 20, پايدالانۋ كەزەڭىندە - 35 جوبا بويىنشا الەۋمەتتىك-ماڭىزدى اقپارات جوبانىڭ ماقساتى – بولشەكتەر مەن قۇراۋشىلار ءوندىرىسىن مەڭگەرۋ ارقىلى وقشاۋلاۋ دەڭگەيىن ءوسىرىپ, ءىرى قۇراستىرۋ ءوندىرىسىن ۇيىمداستىرۋ. جوعارى قوسىلعان قۇنى بار ماشينا جاساۋ ءونىمىن شىعارۋ بويىنشا جاڭا زاماناۋي كاسىپورىن قۇرۋ. ءونىمدى وتكىزۋ نارىعى - 100% ىشكى نارىق. ساتىپ الۋداعى قازاقستاندىق مازمۇننىڭ ۇلەسى – 10-15 % (جۇمىسشى كۇشى). وندىرىستە قولدانىلاتىن تەحنولوگيالار, يننوۆاتسيالىق قۇ­راۋشىسى – اۆتوموبيلدەردى قۇراستىرۋ وپەراتسيالارىن نەعۇرلىم تولىق وقشاۋلاندىرىلادى دەپ جوسپارلانىپ وتىر. كەلەشەكتە وندىرۋشىمەن كەلىسىپ, ءبىراز بولشەكتەر مەن قۇراۋشىلار ءوندىرىسىن قازاقستاندا وقشاۋلاندىرىپ, اۆتوموبيل قورابىن دانەكەرلەۋ تسەحتارىن ۇيىمداستىرۋ, سالونىن تولىق قۇراستىرۋ, قورابىن تولىق بوياۋ جوسپارلانىپ وتىر. «اگروماشحولدينگ» اق قف-ندا بۇرىن مۇنداي جۇمىستار ورىندالماۋىنا بايلانىستى, ونى ورىن­داۋ ءۇشىن كورەيانىڭ اۆتوموبيل وندىرۋشىلەرىنەن تەحنو­لوگيا­لاردى ترانسفەرتتەۋ قاجەت بولىپ تۇر. كورەياداعى جاڭا وندىرىستەردىڭ ينجەنەرلىك-تەحنولوگيالىق ازىرلەۋ قىزمەتتەرىندە ماماندانىپ جاتقان Societech Corporation كورەيا كومپانياسىمەن ءوندىرىستى ازىرلەۋ بويىنشا جۇمىستىڭ تولىق كەشەنىن «اگروماشحولدينگ» اق-مەن بىرلەسىپ جۇرگىزۋ تۋرالى كەلىسىم جاسالعان. جۇك ۆاگوندارى وندىرىسىندە جوبانىڭ اتاۋى: قازاقستان رەسپۋبليكاسىندا جۇك ۆاگون­دارىنىڭ ءوندىرىسى بويىنشا كاسىپورىن قۇرۋ جوباعا ءوتىنىش بەرۋشى: «قازاقستاننىڭ ۆاگون جاساۋ كومپانياسى» جشس سالا: ماشينا جاساۋ ءوڭىر: پاۆلودار وبلىسى جوبانىڭ قۇنى: 7 650 ملن. تەڭگە قۋاتتىلىعى: 2000, توبەسى جابىق ۆاگون - 500 جۇمىس ورىندارىنىڭ سانى: قۇرىلىس كەزەڭىندە - 614, پايدالانۋ كەزەڭىندە - 676. جوبا بويىنشا الەۋمەتتىك-ماڭىزدى اقپارات جوبانى جۇزەگە اسىرۋ زاۋىتتىڭ قۋاتتىلىعىن جىلىنا 500 ۆاگوننان 2500 ۆاگونعا دەيىن جەتكىزۋگە مۇمكىندىك بەرەدى. جوبا كولىك ماشينالارىن جاساۋدى دامىتۋعا باعىتتالعان – زاۋىتتىڭ وندىرىستىك قۋاتى تەمىرجول سالاسىن ۆاگوندارمەن قامتاماسىز ەتەدى, ءوندىرىستىڭ ديۆەرسيفيكاتسياسىن, سونداي-اق, ماشينا جاساۋ, مەتاللۋرگيا, حيميا, باسقا دا قوسالقى وندىرىستەردىڭ دامۋىن قامتيدى. قىسقا مەرزىمدە «قازاقستاننىڭ ۆاگون جاساۋ كومپانياسى» جشس قوسىمشا ءوندىرىس الاڭدارىن قۇرىپ, سودان كەيىن الەمنىڭ الدىڭعى قاتارلى وندىرۋشىلەرىنىڭ جوعارى تەحنولوگيالى جابدىعىن جيناستىرۋمەن, ەكىباستۇز قالاسىنداعى ۆاگون جوندەۋ دەپوسىنىڭ نەگىزىندە جۇك ۆاگوندارى ءوندىرىسىن ۇيىمداستىردى. جوبا تولىق كولەمدە ىسكە قوسىلعاندا, قازاقستاندىق مازمۇن 92%-دى قۇرايدى. «قازتەمىرترانس» اق-مەن 615 جۇك ۆاگونىن الۋ تۋرالى كەلىسىم جاسالدى. جىلىجاي ورتالىعىندا جوبانىڭ اتاۋى: 3 گەكتار الاڭدى الاتىن جىلىجاي كەشەنىنىڭ قۇرىلىسى. جوباعا ءوتىنىش بەرۋشى: «Green Technology» جشس سالا: اوك جانە اۋىل شارۋاشىلىعى ءوندىرىسى ءوڭىر: قاراعاندى وبلىسى جوبانىڭ قۇنى: 1 042 ملن. تەڭگە قۋاتتىلىعى: 1700 توننا كوكونىس جۇمىس ورىندارىنىڭ سانى: قۇرىلىس كەزەڭىندە 50, پايدالانۋ كەزەڭىندە 50. جوبا بويىنشا الەۋمەتتىك-ماڭىزدى اقپارات قاراعاندى قالاسىندا كوكونىس ونىمدەرىن جىل بويى وسىرۋگە ارنالعان 3 گەكتار الاڭدى الاتىن زاماناۋي جىلىجاي كەشەنىنىڭ قۇرىلىسى. ءوندىرىس قۋاتتىلىعى: تابيعي كورىنىستە - جىلىنا 1700 توننا. اقشالاي كورىنىستە – جىلىنا 425 ملن. تەڭگە جوبالانعان قۋاتتىلىققا شىعۋ: 2012 جىلى. جوبانىڭ باسىمدىقتارى: - الەمدەگى وزات تەحنولوگيالار; - تاسىمالداۋعا دەگەن شىعىنداردىڭ ازايۋىنا بايلانىستى, ءونىمنىڭ وزىندىك قۇنى تومەن; - جاس كوكونىستى جىل بويى جەتكىزىپ تۇرۋ; – ەكولوگيالىق تازالىعىمەن ەرەكشەلەنۋ. جاڭا تەمىرجول جەلىسىندە جوبانىڭ اتاۋى: جەتىگەن-قورعاس تەمىرجول جەلىسىنىڭ قۇرىلىسى جوباعا ءوتىنىش بەرۋشى: «قازاقستان تەمىر جولى ۇك» اق سالا: كولىك ينفراقۇرىلىمى ءوڭىر: الماتى وبلىسى جوبانىڭ قۇنى: 155 000 ملن. تەڭگە قۋاتتىلىعى: 293 كم جۇمىس ورىندارىنىڭ سانى: قۇرىلىس كەزەڭىندە 5000, پايدالانۋ كەزەڭىندە 2093. جوبا بويىنشا الەۋمەتتىك-ماڭىزدى اقپارات جەتىگەن-قورعاس تەمىرجول جەلىسىنىڭ ۇزاقتىعى - 293 كم. جوبادا 14 جاڭا دارا پۋنكتتەردى اشۋ قاراستىرىلعان. جوبا بويىنشا قازاقستاندىق مازمۇن 80%-دان ارتىق. قۇرىلىس جۇمىستارىنا 1 700 بىرلىك قۇرىلىس تەحنيكاسى, جۇمىس ىستەپ جاتقانداردىڭ سانى 5000 ادامنان ارتىق. ءبىرىنشى قوسۋ كەشەنى نىساندارىنىڭ قۇرىلىسىن اياقتاۋ جانە جۇمىسشى قوزعالىستى اشۋ 2011 جىلدىڭ جەلتوقسان ايى دەپ جوسپارلانىپ وتىر. وسى ۋاقىتتا جەرتوسەمىنە سۋ وتكىزەتىن قۇبىرلاردى قۇرىپ, 22 972 مىڭ م3 (97%) جەرتوسەمى الىندى, 284 سۋ وتكىزەتىن قۇبىردا (96%) تەمىربەتون كونسترۋكتسيالارى جيناستىرىلدى. 28 كوپىردىڭ, 2 جولوتپەسى مەن ىلە وزەنى ارقىلى كوپىر قۇرىلىسىندا قادا ىرگەتاسىندا تىرەكتەردى قۇرۋ, كوپىرلەردىڭ ارالىق قۇرىلىستارىن جاساۋ جانە جيناستىرۋ جۇمىسى جۇرگىزىلىپ جاتىر. 20 كوپىردىڭ قۇرىلىسىندا تىرەكتەردى ورناتۋ جۇمىستارى اياقتالدى, بەكىتۋ جۇمىسى اياقتالۋعا تاياۋ, ءۇش كوپىردەن جۇمىسشى قوزعالىس ۇيىمداستىرىلدى. جولدىڭ جوعارعى قۇرىلىسىن ورناتۋعا 281,7 كم رەلس-شپالا تورى جينالدى دا, 60,5 كم ورناتىلدى, ەندى جولدى باللاستتاۋ جۇمىسى جۇرگىزىلىپ جاتىر. سىرتقى ەلەكترجابدىقتاۋ نىساندارى مەن كولدەنەڭ ەلەكترجابدىق جەلىلەرى قۇرىلىسىندا تىرەكتەردى جەتكىزۋ جانە ورناتۋ جۇمىسى جۇرگىزىلىپ كەلەدى, 429 كم (47%) سىمدى ءىلۋ جۇمىستارى ورىندالدى. دارا پۋنكتتەردە قىزمەتتىك-تەحنيكالىق عيماراتتار قۇرىلىسىنىڭ جۇمىستارى باستالدى. تەڭىز مەتالكونسترۋكتسيالار وندىرىسىندە جوبانىڭ اتاۋى: تەڭىز مەتالكونسترۋكتسيالارىنىڭ ءوندىرىسى جوباعا ءوتىنىش بەرۋشى: «قازاقستان كاسپيان وففشور ينداستريز» جشس سالا: ماشينا جاساۋ ءوڭىر: ماڭعىستاۋ وبلىسى جوبانىڭ قۇنى: 11 550 ملن. تەڭگە قۋاتتىلىعى: جىلىنا 10 مىڭ توننا جۇمىس ورىندارىنىڭ سانى: قۇرىلىس كەزەڭىندە 500, پايدالانۋ كەزەڭىندە 1000. جوبا بويىنشا الەۋمەتتىك-ماڭىزدى اقپارات ءونىم اسسورتيمەنتى يتالياندىق «روزەتتي مارينو» كومپانيا­سىنا سايكەس ءارى قازاقستان وندىرىسىندە ۇقساستارى جوق. كەشەننىڭ 1-ءشى كەزەڭى – كەشەن قۋاتتىلىعى, جىلىنا مەتالكو­نسترۋكتسيا­لاردى ءوندىرۋ 10 مىڭ توننا, 1000 جاڭا جۇمىس ورنى. ساتىپ الۋلاردا قازاقستاندىق مازمۇن ۇلەسى 50%-دى قۇرايدى. ءپروفيلدى قۇبىرلار سالاسىندا جوبانىڭ اتاۋى: ءپروفيلدى قۇبىرلار وندىرىسىنە ارنالعان زاۋىتتىڭ قۇرىلىسى جوباعا ءوتىنىش بەرۋشى: «كومپانيا SONIK» جشس سالا: قۇرىلىس يندۋسترياسى ءوڭىر: الماتى وبلىسى جوبانىڭ قۇنى: 760 ملن. تەڭگە قۋاتتىلىعى: جىلىنا 32 000 توننا جۇمىس ورىندارىنىڭ سانى: قۇرىلىس كەزەڭىندە - 70, پايدالانۋ كەزەڭىندە - 150. جوبا بويىنشا الەۋمەتتىك-ماڭىزدى اقپارات تىك بۇرىشتى جانە شارشى قيماسىمەن ءپروفيلدى قۇبىرلار­دى ءوندىرۋ سترۋكتۋراسى. ۇلكەن, ورتاشا جانە كىشى قيماسىمەن شارشى قالىڭ قابىرعالى قۇبىرلار ءوندىرۋ اسسورتيمەنتىن ۇلعايتۋ جانە جاڭا ءونىمدى قازاقستان وڭىرلەرىنە جانە ەكسپورتقا شىعارۋ. ءونىم قازاقستاندىق نارىقتا جوعارى سۇرانىسقا يە, ويتكەنى تۇرمىستىق جانە وندىرىستە پايدالانۋ ءۇشىن اسا قاجەتتى. نىساندى ىسكە قوسۋ قازاقستان حالقىن دا, تاياۋ شەتەل ەلدەرىن دە حالىقارالىق ستاندارتتارعا ساي, جوعارى ساپالى قۇبىر ونىمدەرىمەن قامتاماسىز ەتەدى.