الەم ەلدەرىنىڭ باسشىلارى مەن ساياساتكەرلەرى, ونەر قايراتكەرلەرى پرەزيدەنت ن.ءا.نازارباەۆ تۋرالى
باراك وباما, اقش پرەزيدەنتى: ءسىزدىڭ ەلىڭىز ەگەمەندى, تۇراقتى جانە وركەندەگەن مەملەكەت رەتىندە ءوزىنىڭ دامۋىندا ماڭىزدى تابىستارعا قول جەتكىزدى. مەن قازاقستانعا اۋعانستانداعى تۇراقتىلىق پەن قالپىنا كەلتىرۋ ىسىندەگى ۇستانىمى ءۇشىن ريزاشىلىعىمدى بىلدىرەمىن جانە مەن ءسىزدىڭ ۇلتارالىق جانە ءدىني توزىمدىلىكتى العا جىلجىتۋ جونىندەگى كۇش-جىگەرىڭىزدى جوعارى باعالايمىن.
دميتري مەدۆەدەۆ, رەسەي فەدەراتسياسىنىڭ پرەزيدەنتى: مەن سىزگە العىس بىلدىرەمىن. ماعان كورسەتكەن ءبۇگىنگى قوشەمەتتەرىڭىز ءبىزدىڭ ەلدەرىمىز اراسىنداعى ايرىقشا سەنىمگە نەگىزدەلگەن قارىم-قاتىناستاردىڭ دالەلى بولىپ تابىلادى. ءبىزدىڭ حالىقتارىمىز عاسىرلار بويى بىرگە ءومىر ءسۇردى. سوعىس كەزىندەگى جانە تىڭ يگەرۋ كەزىندەگى بارلىق قيىندىقتاردى تەڭ كوتەردى. دوستىق, تۇسىنىستىك, سىيلاستىق ءتىنى مىنە, وسىندا.
حۋ تسزينتاو, قحر توراعاسى: تاۋەلسىزدىك جىلدارى ءسىزدىڭ باسشىلىعىڭىزبەن ەڭبەك سۇيگىش تە اقىلمان قازاقستان حالقى ءوزىنىڭ قاجىرلى دا جاسامپاز ەڭبەگىمەن دامۋدىڭ دۇرىس جولىن تابا ءبىلدى. بۇگىندە قازاقستاندا ەكونوميكا تۇراقتى دامۋ ۇستىندە, حالىقتىڭ ءال-اۋقاتى ارتىپ, قوعامنىڭ الەۋمەتتىك-ساياسي تۇراقتىلىعى ساقتالىپ وتىر. سوڭعى جىلدارى قىتاي – قازاقستان قاتىناستارى بەلسەندى دامۋدا.
پان گي مۋن, بۇۇ باس حاتشىسى: قازاقستان پرەزيدەنتىنىڭ كورەگەن ساياساتى بولماعاندا, بۇل وڭىردەگى حالىق ءالى كۇنگە دەيىن سىناقتاردان زارداپ شەگىپ وتىرۋى مۇمكىن ەدى. ءسىزدىڭ ورتالىق ازيادا يادرولىق قارۋدان ادا ايماق قۇرۋ باستاماڭىزبەن سولتۇستىك جارتى شاردا ونداي اۋماق تۇڭعىش رەت قۇرىلعانىن زور ريزاشىلىقپەن ايتا الامىن.
ابدۋللا گۇل, تۇرىك رەسپۋبليكاسىنىڭ پرەزيدەنتى: ءار كەلگەنىمدە گۇلدەنە ءتۇسكەنىنە كۋا بولىپ ءجۇرگەن استانا قالاسى – قازاقستاننىڭ ءديناميزمى مەن پرەزيدەنت نازارباەۆ مىرزانىڭ كورەگەندىلىگىن بەينەلەيتىن ەڭ ۇلكەن تۋىندى. استانانىڭ قۇرىلىس جۇمىستارىنا تۇرىك فيرمالارى مەن جۇمىسشىلارىنىڭ دا ۇلەس قوسۋىن تۇرىك-قازاق ىنتىماقتاستىعىنىڭ ەڭ اسەم نىشاندارىنىڭ ءبىرى دەپ بىلەمىز.
انگەلا مەركەل, گفر كانتسلەرى: جاۋاپتى مىندەتتەردى ودان ءارى اتقارۋىڭىزدا سىزگە زور تابىستار مەن ساتتىلىك تىلەيمىن. ەكونوميكالىق, قوعامدىق جانە ساياسي رەفورمالاردى جۇرگىزۋدە قازاقستان بۇدان بىلاي دا گەرمانيا تاراپىنان بولاتىن قولداۋعا سەنىم ارتا الاتىن بولادى.
مانموحان سينگح, ءۇندىستان پرەمەر-ءمينيسترى: بارشا قازاقستاندىقتاردىڭ سىزگە سونشالىقتى سەنىممەن قاراۋى – ەڭبەگىڭىزدىڭ ايقىن باعاسى بولىپ تابىلادى. اسەم دە ءزاۋلىم استانا – ءسىزدىڭ جاسامپاز باسشىلىعىڭىزدىڭ سيمۆولى. مەن قازاقستان حالقىنىڭ تاماشا وركەندەۋىن, ەلدەرىڭىزدىڭ باي مادەنيەتىن كوردىم. بىزدە بارلىق ماسەلەلەر بويىنشا تولىق تۇسىنىكتەر بار. قازاقستان ءوزىنىڭ دانا جانە كورەگەن پرەزيدەنتىنىڭ باسقارۋىمەن تابىستى دامۋىن جالعاستىراتىندىعىنا سەنىمدىمىن.
نيكوليا ساركوزي, فرانتسۋز رەسپۋبليكاسىنىڭ پرەزيدەنتى: ءسىز وتكەن جىلى قازاقستان ۇلكەن تابىسپەن توراعالىق ەتكەن ەقىۇ-نىڭ قۇندىلىقتارىن ۇستاناتىنىڭىزدى كورسەتتىڭىز.
ءوز تاراپىمنان مەن قازاقستاننىڭ الەمدىك ارەنادا ءوسىپ كەلە جاتقان تانىمالدىعىن نازارىما الا وتىرىپ, وسى تاقىرىپقا جانە وزگە دە ماڭىزدى حالىقارالىق تاقىرىپتارعا ارنالعان ۇنقاتىسۋدى جالعاستىرۋعا قۋانىشتى بولعان بولار ەدىم. سونداي-اق ءسىزدىڭ ەلىڭىز بيىلعى جىلى يسلام كونفەرەنتسياسى ۇيىمىنا توراعالىق ەتەتىنى سوزىمە مىسال بولا الادى.
سيلۆيو بەرلۋسكوني, يتاليا پرەمەر-ءمينيسترى: ءسىزدى قازاقستان پرەزيدەنتى قىزمەتىنە قايتا سايلانۋىڭىزبەن شىن جۇرەكتەن قۇتتىقتايمىن. سايلاۋدىڭ ءناتيجەسى – قازاقستان حالقىنىڭ سىزگە دەگەن جوعارى سەنىمى مەن سۇيىسپەنشىلىگىنىڭ ايقىن كورىنىسى.
سىزگە قازاقستاندىقتاردىڭ يگىلىگى جولىندا تابىستى ەڭبەك جانە حالىقارالىق ارەنادا ءسىزدىڭ ەلىڭىزدىڭ بەدەلى مەن ءرولى ودان ءارى ارتا بەرۋىن تىلەيمىن.
حۋان كارلوس ءى, يسپانيا كورولى: ءسىزدىڭ ەلىڭىز وسى جىلدار ىشىندە ايتارلىقتاي ناتيجەلەرگە جەتتى. ءبىزدىڭ بىرلەسكەن جۇمىسىمىزدىڭ ارقاسىندا ءبىزدىڭ مەملەكەتتەرىمىز اراسىنداعى قارىم-قاتىناستار دوستىق پەن ىنتىماقتاستىق رۋحىندا دامىپ وتىرعانى مەنى ەرەكشە قۋانتادى. مەن ءسىزدىڭ كۇش-قۋاتىڭىزدىڭ ارقاسىندا قازاقستان ومىرىندەگى جاڭا كەزەڭ تاعى ۇلكەن پروگرەسپەن جانە حالىقتىڭ ءال-اۋقاتىنىڭ ارتۋىمەن بەلگىلى بولاتىنىنا سەنەمىن.
ەكمەلەددين يحسانوعلى, يىۇ-نىڭ باس حاتشىسى: جوعارى مارتەبەلى, سىزگە ءوز ەلىن ساياسي جانە ەكونوميكالىق رەفورمالار جولىمەن الىپ كەلە جاتقان باسشى رەتىندە سىزگە كورسەتىلگەن قازاقستان حالقىنىڭ سەنىمىنە بايلانىستى ءوزىمنىڭ شىنايى قۇتتىقتاۋىمدى جولداعىم كەلەدى.
جوعارى مارتەبەلى, ءسىزدىڭ دانالىعىڭىز بەن تاجىريبەڭىز وزىڭىزگە قازاقستان حالقىنىڭ كەلەشەكتە الەۋمەتتىك-ەكونوميكالىق دامۋ مەن گۇلدەنۋ, سونداي-اق قازاقستاننىڭ حالىقارالىق ارەناداعى بەدەلىنىڭ بيىك بولۋىنا دەگەن ۇمتىلىسىن جۇزەگە اسىرۋعا مۇمكىندىكتەر بەرەتىنىنە سەنەمىن.
دەۆيد كەمەرون, ۇلىبريتانيا جانە سولتۇستىك يرلانديا بىرىككەن كورولدىگىنىڭ پرەمەر-ءمينيسترى: ءسىزدىڭ قازاقستان رەسپۋبليكاسىنىڭ پرەزيدەنتى قىزمەتىنە قايتا سايلانۋىڭىزعا بايلانىستى ءوزىمنىڭ شىنايى نيەتىمدى بىلدىرۋگە رۇقسات ەتىڭىز.
بىرىككەن كورولدىك قازاقستانمەن مىقتى, اشىق جانە دامىپ كەلە جاتقان قاتىناستاردى باعالاي بىلەدى. مەن ءبىزدىڭ ەلدەرىمىزدىڭ ەكىجاقتى ىنتىماقتاستىعىنىڭ بارلىق باعىتتارى بويىنشا بايلانىستى نىعايتۋدى جالعاستىرۋدى تاعاتسىزدانا كۇتەمىن.
ەدۋارد شەۆاردنادزە, گرۋزيانىڭ بۇرىنعى پرەزيدەنتى: ءبىرتۇتاس ەۋرازيالىق كەڭىستىك قۇرۋ باستاماسىن پرەزيدەنت نۇرسۇلتان نازارباەۆتىڭ ءدال ءوزى كوتەرگەنىن اتاپ ايتۋ كەرەك... تاريحتىڭ وسىناۋ اسا جاۋاپتى بەلەسىندە قازاقستان كەمەسىنىڭ شتۋرۆالىندا اسا كورنەكتى ساياساتكەر نۇرسۇلتان نازارباەۆتىڭ تۇرعانى – ءبارىمىزدىڭ باعىمىز.
قازاقستان – ۇلى مەملەكەت, ونى ۇلى ادام باسقارادى.
لي كۋان يۋ, سينگاپۋر ۇكىمەتىنىڭ اعا ءمينيسترى: پرەزيدەنت نازارباەۆ – ءتۇرلى رەسپۋبليكالاردىڭ ىشىندەگى كەسەك تۇلعا. قازاقستان باسشىسى – كەرەگىنشە قاتال, ۇسىناقتى, قاعىلەز ءارى باتىل كىسى, وزىنە تارتىپ تۇراتىن, تالانتتى ءارى تاباندى تۇلعا, ول بۇرىنعى وداقتىڭ باسقا دا رەسپۋبليكالارى تانىعان جەتەكشى.
كان ناوتو, جاپونيا پرەمەر-ءمينيسترى: ەلىڭىز ءسىزدىڭ باسشىلىعىڭىزبەن ءارى قاراي دامي ءتۇسەدى جانە ورتاازيالىق ايماقتىڭ تۇراقتىلىعىنا, گۇلدەنۋىنە ۇلكەن ۇلەس قوسادى دەگەن سەنىمدەمىن. جاپونيانىڭ شىعىسىندا بولعان زۇلمات ءزىلزالاعا بايلانىستى شىن جۇرەكتەن بىلدىرگەن كوڭىل ايتۋلارىڭىز ءۇشىن جانە قازاقستان رەسپۋبليكاسىنىڭ گۋمانيتارلىق كومەك كورسەتۋ تۋرالى ۇسىنىسى ءۇشىن العىسىمدى بىلدىرەمىن.
جاپونيا مەن قازاقستاننىڭ اراسىندا تاتۋ-ءتاتتى جانە دوستىق قارىم-قاتىناس ورناتىلعان. ەلدەرىمىزدىڭ اراسىنداعى قاتىناستاردى نىعايتۋ جانە كەڭەيتۋ ءۇشىن سىزبەن ءارى قاراي دا ىنتىماقتاسۋعا نيەتتىمىن.
اسيف ءالي زارداري, پاكستان يسلام رەسپۋبليكاسىنىڭ پرەزيدەنتى: ءسىزدىڭ كوشباسشىلىعىڭىزبەن قازاقستان بيىك بەلەستەرگە جەتتى. ءسىزدىڭ جەڭىسىڭىز – ءسىزدىڭ باسشىلىعىڭىزداعى ەلدىڭ, قازاقستان حالقىنىڭ زور سەنىمىنىڭ كورىنىسى.
پاكستان قازاقستانمەن ەكىجاقتى قارىم-قاتىناستارىنا ۇلكەن ءمان بەرەدى. مەن ءبىزدىڭ ەلدەرىمىز اراسىنداعى دوستىق بايلانىستاردىڭ ودان ءارى دە تەك نىعايا تۇسەتىنىنە سەنەمىن.
مارگارەت تەتچەر, ۇلىبريتانيانىڭ بۇرىنعى پرەمەر-ءمينيسترى: مەن قازاقستان پرەزيدەنتىنىڭ بۇگىنگى كۇنى ءوزىمىز ۇشىراسىپ جۇرگەن پروبلەمالاردى تالقىلاۋ ءۇشىن الۋان ءتۇرلى ءدىني نانىمداردىڭ سونشاما كوپ وكىلدەرىن شاقىرۋ جونىندەگى باستاماشىلىعىن بارىنشا قۇپتايمىن. مۇنداي فورۋم وتكىزۋ ءۇشىن بىردە-ءبىر ەل ءدال قازاقستانداي قولايلى بولا الماس ەدى. تاۋەلسىزدىك العان ساتتەن بەرىدە ءسىزدىڭ كورەگەن ساياساتىڭىز ەلىڭىزدى بوستاندىققا اپاراتىن سارا جولعا ءتۇسىردى. ۋايىمشىلدار, ءسىرا, ءسىزدىڭ ەلىڭىزدىڭ ەتنوستىق جانە ءدىني سانالۋاندىعى الاۋىزدىق پەن ارازدىق تۋعىزىپ, قازاقستاندى السىرەتەدى دەپ ويلاعان بولۋى دا مۇمكىن. ءبارى دە كەرىسىنشە بولىپ شىقتى. قايتا سانالۋاندىعىنىڭ ارقاسىندا قازاقستان كوركەيە ءتۇستى, قايتا سان ءتۇرلى داستۇرلەرى مەن ءدىني نانىمدارىنىڭ بايلىعى ارقاسىندا قۋاتتانا ءتۇستى.
سىزدەر باسقالارعا ونەگە بولىپ وتىرسىزدار.
زۋراب تسەرەتەلي, رەسەي كوركەمسۋرەت اكادەمياسىنىڭ پرەزيدەنتى: پرەزيدەنت ن.ءا.نازارباەۆ وڭتايلى ءساتتى سەزىنە دە, ءدال پايدالانا دا ءبىلدى, ول ۋاقىت تاقتاسىندا ەش قاتەسىز كۇشتى ءجۇرىس جاساپ, قازاقستاننىڭ جاڭا استاناسىن تۇرعىزدى. ونىڭ استانانى وسى زامانعى استاناعا اينالدىرۋ ءۇشىن قولىنان كەلگەننىڭ ءبارىن دە ىستەيتىنىنە مەنىڭ ەش كۇمانىم جوق.
يليا گلازۋنوۆ, رەسەي سۋرەتشىسى: قازاقستان پرەزيدەنتىنىڭ جانارلارىندا وي ۇشقىنداپ تۇرادى, ول جانى جاي تاپپايتىن, جانىپ تۇراتىن قايراتتى تۇلعا.
نيكيتا ميحالكوۆ, رەسەي كينورەجيسسەرى: نازارباەۆ – ناعىز ەل اعاسى. ول تىڭداپ قانا قويماي, ەستي دە بىلەدى, مەنىڭ ويىمشا, بۇل – توبەسى كوككە جەتكەندەردىڭ كوپشىلىگىنىڭ بويىنان تابىلا بەرمەيتىن اسا سيرەك قاسيەتتەردىڭ ءبىرى.
ەستي ءبىلۋ دە از. شەشىم قابىلداي ءبىلۋ كەرەك. ءتوزىم كەرەك. ايانىش كەرەك. بيلىكتى اڭساعان جاننىڭ سورى قالىڭ. مۇنداي جان وعان تويماق تا ەمەس, ونى قويماق تا ەمەس. مۇندايدا ونىڭ قابىرعانى قايىستىرار اۋىرتپالىعىنا قاراماي, قاجىماي-تالماي العا سۇيرەگەن جاندى ايت! تۇسىنە تۇرا, بىلە تۇرا مەملەكەتتىك مۇددەلەردىڭ ۇسكىرىك جەلىنىڭ وتىندەگى ساياسي بيلىكتىڭ ۇشار بيىگىنە شىققان جاننىڭ قاشاندا سەرىگى بولاتىن قۇلاق تۇندىرار جالعىزدىقتى قىڭق ەتپەي كوتەرە بىلگەن جاندى ايت!
گرەم الليسون, اقش-تاعى گارۆارد ۋنيۆەرسيتەتى مەملەكەتتىك باسقارۋ مەكتەبى عىلىم مەن حالىقارالىق قاتىناستار ورتالىعىنىڭ ديرەكتورى, پروفەسسور: يادرولىق جارىلىستاردىڭ قانداي زارداپتارعا سوقتىراتىنى جايىندا تولىق پايىمداي وتىرىپ, نازارباەۆ بۇرىنعى كسرو ەلدەرى پرەزيدەنتتەرىنىڭ ىشىندە يادرولىق قارۋدى جويىپ, ورتالىق ازيا وڭىرىندە يادرولىق قارۋسىز ايماق قۇرۋعا شاقىرعان ءبىرىنشى ادام بولدى. تەوريالىق تۇرعىدان العاندا, قازاقستان يادرولىق استامشىل دەرجاۆالاردىڭ بىرىنە اينالا الار ەدى. ەگەر ول كەزىندە كسرو ىدىراعاننان كەيىن ءوز اۋماعىندا قالعان 1400-دەن استام يادرولىق وقتىقتاردى باقىلاۋىنا العاندا, ونىڭ قاراۋىندا سان جاعىنان ۇلىبريتانيانى, فرانتسيا مەن قىتايدى قوسا العانداعىدان اسىپ تۇسەتىن قارۋ-جاراق قورى قالعان بولار ەدى. وقتىقتاردىڭ كوپشىلىگى اقش-قا كەزەلگەن راكەتالارعا ورناتىلعان بولاتىن. قازاقستان بولسا, ءوزىنىڭ اۋماعىنداعى بارلىق يادرولىق قارۋدى ءوز ەركىمەن رەسەيگە بەرىپ, يادرولىق قارۋدى تاراتپاۋ تۋرالى شارتقا قول قويدى, ءسويتىپ, يادرولىق قارۋسىز مەملەكەتكە اينالدى.