باقىتتىمىز دەپ بىلەمىن

ءبىز موڭعوليادان اتاجۇرتىمىزعا ەگەمەندىكتىڭ ەلەڭ-الاڭ شاعىندا كو­شىپ كەلگەن ەدىك. تۇڭعىش پرەزيدەنتىمىز نۇرسۇلتان نازارباەۆتىڭ ءاۋ باستان ۇستانعان ساياساتىنا وراي سەمەي ءوڭىرىن­دەگى اعايىندار ءبىزدى قۇ­شاق جا­يىپ قارسى الدى. ءوز باسىم ماماندى­عىما وراي «شاعان» كەڭ­شا­رىندا بولىمشە مەڭگەرۋشىسى بولىپ قىزمەتكە كىرىستىم. سويتە ءجۇرىپ, ەلگە بىرگە كەلگەن اعايىن­دارعا دا باس بول­دىم. وسىنداي قام­قورلىق ءناتي­جە­سىندە ءبارىمىز دە وسى وڭىرگە ءبىرجولا تۇراقتاپ قالدىق. قازىردە ءوزىم وتباسىممەن سەمەي قالا­سىندا تۇرىپ جاتىرمىن. سىرت­تان كەلگەن ورالماندارعا مەملەكەت تا­را­پى­نان جاسالىپ جاتقان قامقور­لىقتىڭ قاي-قايسىنان بولسىن سىرت قالعان ەمەسپىز. ايتالىق, اقشالاي, مالداي دا كومەك الدىق. كەيىننەن ون سوتىق جەر ءبو­لىپ بەرىلىپ, وعان ءۇي تۇرعىزىپ ال­دىم. ءۇش بالام دا وسىندا كەلگەن سوڭ جو­عا­رى جانە ورتا ارناۋلى وقۋ ورىن­دارىن ءبىتىرىپ, ءبىر-ءبىر ماماندىق يەسى اتاندى. بۇگىندە جاقسى ەڭبەك ەتۋدە. دۇنيەجۇزى قازاقتارىنىڭ IV قۇ­رىل­تايىندا ەلباسىمىز اتالى ءسوز ايت­تى. ەندىگى جەردە توي تويلاۋ ەمەس, وي تول­عاۋدىڭ كەزى كەلدى. سوعان وراي سىرت­تان كەلگەن اعايىندار وزىمىزگە ەل مەن ەلباسى تاراپىنان جاسالىپ جاتقان قامقورلىققا ىسپەن جاۋاپ بەرەتىن ۋا­قىت بولدى دەپ بىلەمىن. بالالارىمنىڭ الدى ءوز پارىزدارىن وتەي باستاعانىنا دا قۋانىشتىمىن. ءيا, باقىت دەگەن وسى ەمەس پە! ءتابىلتاي ءشارىپ, ورالمان. سەمەي.