بۇگىن ماجىلىستە «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» قر كونستيتۋتسيالىق زاڭ جوباسى تانىستىرىلعاننان كەيىن ادىلەت ءمينيسترى تىلشىلەردىڭ بىرقاتار سۇراقتارىنا جاۋاپ بەردى.
سونىڭ ءبىرى ءمينيستردىڭ مەملەكەتتىك ءتىلدى تولىق مەڭگەرۋىنە قاتىستى بولدى. «ءسىز قازاق تىلىندە ەركىن سويلەۋ ءۇشىن ءوزىڭىزدى جەتىلدىرىپ, ساباق الىپ جاتسىز با؟ بىزگە قاشان مەملەكەتتىك تىلدە تولىق جاۋاپ بەرەسىز؟»,- دەپ سۇرادى تىلشىلەر ۆەدومستۆو باسشىسى بەكەتاەۆتان.
«ءبىر جىلدىڭ ىشىندە تولىق مەڭگەرىپ شىعامىن. قازىر اپتاسىنا ءۇش رەت ساباق الىپ ءجۇرمىن. اۋىلعا بارعان كەزدە تۇرعىندارمەن, تۋىستارىممەن تەك قازاقشا سويلەسەمىن. بۇل باعىتتا جاقسى تاجىريبە الىپ جاتىرمىن»,-دەدى مينيستر.
ەستەرىڭىزگە سالا كەتەيىك, بيىل قاڭتار ايىندا پارلامەنت ءماجىلىسىنىڭ جالپى وتىرىسى بارىسىندا تىلشىلەر ساۋالىنا جاۋاپ بەرگەن قر ۇلتتىق ەكونوميكا ءمينيسترى تيمۋر سۇلەيمەنوۆ تاياۋ ۋاقىتتا قازاق تىلىندە جەتىك سويلەيتىنىن ايتقان بولاتىن.
جاڭادان تاعايىندالعان مينيستر جۋرناليستەرگە سۇحباتى بارىسىندا ماسكەۋدە جۇمىس ىستەگەن جىلدار ىشىندە قازاق ءتىلىن ۇمىتىڭقىراعانىن جەتكىزگەن ەدى.
«ماسكەۋدە 5 جىلعى قىزمەتىم بارىسىندا ءوز انا ءتىلىمدى ۇمىتىپپىن. بىراق تا, التى ايدىڭ ىشىندە قايتا مەڭگەرىپ شىعامىن», - دەدى سۇلەيمەنوۆ.