"رەسەي فەدەراتسياسى تەرگەۋ كوميتەتىنىڭ ناقتىلانعان مالىمەتتەرىنە سۇيەنە وتىرىپ, وسىعان دەيىن ءىز-ءتۇسسىز جوعالىپ كەتتى دەپ سانالعان قازاقستان ازاماتى ماكسيم ارىشەۆتىڭ 2017 جىلدىڭ 3 ساۋىرىندە سانكت-پەتەربۋرگتە بولعان تەراكتىنىڭ سالدارىنان قازا تاپقانىن حابارلايمىز. بۇل بارلىعىمىز ءۇشىن قايعىلى جاعداي", - دەپ حابارلادى قر ءسىم وكىلدەرى.
قازىرگى ۋاقىتتا ماكسيم ارىشەۆتىڭ دەنەسى سانكت-پەتەربۋرگتەگى ەكاتەرينينسك قالالىق اۋرۋحاناسىندا. اتا-اناسى ونى تانىدى.
قر ءسىم وكىلدەرى مەن سانكت-پەتەربۋرگتەگى قازاقستاندىق ديپلوماتتار ماكسيم ارىشەۆتىڭ تۋىستارىنا بارىنشا كومەك كورسەتەدى, سونداي-اق, ولار قازا تاپقان ستۋدەنتتىڭ دەنەسىن وتانىنا جەتكىزۋ ماسەلەسىنە دە كومەك بەرەدى.
"ماكسيمنىڭ تۋىستارى مەن جاقىندارىنا جانە وسىنداي ادامگەرشىلىككە جاتپايتىن قىلمىستىڭ قۇرباندارى بولعانداردىڭ وتباسىنا كوڭىل ايتامىز", - دەلىنگەن قر ءسىم حابارلاماسىندا.
ايتا كەتەيىك, بۇگىندە قازا بولعانداردىڭ سانى 14-كە جەتتى, 11 ادام وقيعا ورنىندا قازا تاپتى, ال ۇشەۋى اۋرۋحانادا قايتىس بولدى. قازىرگى ۋاقىتتا 49 ادام اۋرۋحانادا جاتىر.