قۇرمەتتى وتانداستار!
قازاقستان بيىل تاۋەلسىزدىكتىڭ جيىرما جىلدىق مەرەيتويىن قۋانىشپەن اتاپ وتۋدە. بۇل – بەيبىتشىلىك, كەلىسىم مەن جاسامپازدىقتىڭ جيىرما جىلى.
تاۋەلسىزدىك – حالقىمىزدىڭ باستى مۇراتى, ءبىزدىڭ تاريحي تاڭداۋىمىز جانە تاعدىرىمىزدى ءوزىمىز ايقىنداۋ قۇقىعى.
قازاقستان حالقىنا باق بولىپ قونعان كەلىسىم مەن بىرلىك «ءبىر ەل – ءبىر تاعدىر» ۇستانىمىنا سۇيەنە وتىرىپ, ۇلت كوشباسشىسى – تۇڭعىش پرەزيدەنت نۇرسۇلتان ءابىش ۇلى نازارباەۆتىڭ ساليقالى ساياساتىنىڭ نەگىزىنە اينالدى.
تاۋەلسىزدىك جىلدارى قازاقستان ەكونوميكالىق دامۋ, ەل ازاماتتارىنىڭ ءومىر ءسۇرۋ دەڭگەيىن ارتتىرۋ باعىتىندا تاڭعالارلىق جەتىستىكتەرگە قول جەتكىزدى. ءبىز مەملەكەتتى ناتيجەلى باسقارۋعا قابىلەتتىلىگىمىزدى ءدالەلدەپ, دەموكراتيا ءتۇپتامىرىنا بەرىك نەگىز قالاي بىلدىك. قازاقستان الەمدىك ساياسي كارتادا مىعىم جانە بەدەلدى ورىنعا يە بولىپ, حالىقارالىق قاۋىمداستىقتىڭ جاۋاپتى مۇشەلەرىنىڭ ءبىرى رەتىندە تانىلدى. وسى سوزدەردى قازاقستان توراعالىق ەتكەن ەقىۇ ءسامميتى ايقىن دالەلدەدى.
وسى جەتىستىكتەردىڭ بارلىعى ەكونوميكالىق ءوركەندەۋ مەن قازاقستان حالقىنىڭ يگىلىگىنە باعىتتالعان ۇلت كوشباسشىسىنىڭ ساياسي ەرىك-جىگەرى مەن سىندارلى ساياساتىنىڭ ارقاسىندا ىسكە استى.
قازاقستان حالقى اسسامبلەياسى كەزەكتەن تىس پرەزيدەنتتىك سايلاۋدا جەڭىسكە جەتكەن نۇرسۇلتان نازارباەۆتى شىن كوڭىل, اق نيەتپەن قولدايدى. سايلاۋداعى جەڭىس ەل پرەزيدەنتى مەن بۇكىل قازاقستان حالقىنىڭ ناعىز جەڭىس شىڭىنا اينالدى.
قازاقستان حالقى اسسامبلەياسى ەتنوسارالىق قاتىناستاردى ۇيلەستىرۋشى ماڭىزدى قوعامدىق ينستيتۋت رەتىندە قازاقستاننىڭ بارشا ازاماتىن ەلباسىنىڭ ەل تۇرعىندارىنا جولداعان «بولاشاقتىڭ ىرگەسىن بىرگە قالايىق» اتتى جولداۋىنداعى مىندەتتەردى ىسكە اسىرۋ جولىندا ءبىر ەلدىڭ بالاسىنداي, ءبىر قولدىڭ سالاسىنداي جۇمىلۋعا شاقىرادى.
اسسامبلەيانىڭ ءحVىى سەسسياسىنىڭ قاتىسۋشىلارى قازاقستان حالقىنىڭ ۇلتتىق رۋحى – ءداستۇر, وتانسۇيگىشتىك, جاڭارۋ مەن جەڭىس رۋحىن نىعايتۋعا شاقىرادى. ءبىز, ەل ازاماتتارى, ۇلت كوشباسشىسى نۇرسۇلتان ءابىش ۇلى نازارباەۆتىڭ باسشىلىعىمەن بىرلەسە وتىرىپ, كۇشتى, ىرىس-ىنتىماعى تاسىعان, وركەندى دامىعان تاۋەلسىز قازاقستاندى قۇراتىنىمىزعا سەنەمىز!
استانا قالاسى, 2011 جىلعى 18 ءساۋىر.