سىرت كوز - سىنشى

دەموكراتيا جولىنداعى قارىشتى قادام

بىزدەر, زاڭگەرلەر قازاق­ستان پرەزيدەنتى نۇرسۇلتان نازارباەۆ ۇسىنعان كونستيتۋ­تسيالىق رەفورمالاردى تالداپ, وعان قىزىعۋشىلىق ءبىلدىرىپ كەلەمىز. بۇل رەفورمانىڭ باستى ماق­ساتى بيلىك تارماقتارى ارا­سىندا وكىلەتتىكتەردى قايتا ءبولۋ بولىپ تابىلادى. ءدا­لىرەگى, پرەزيدەنتتىڭ بىرقاتار وكىلەت­تىكتەرىن ۇكىمەت پەن پارلا­مەنتكە بەرۋ ارقىلى, اتقارۋشى بيلىك پەن زاڭ شىعارۋشى بيلىك­تىڭ حالىق الدىنداعى جاۋاپكەر­شىلىگىن كۇشەيتۋ باستى نازاردا. جالپى, اتالعان رەفورما اتقارۋشى بيلىكتى ۋاقىت تالابىنا ساي قۇرۋعا, ونىڭ تيىمدىلىگىن ارتتىرۋعا مۇمكىندىك بەرەدى. بۇل ءوز كەزەگىندە ەلدى جوعارى دەڭگەيدە دامىتۋعا جول اشادى. ەلدەگى ساياسي جۇيە, ينستيتۋتتار, كومپانيالار ۋاقىت تالابىنا ساي بەيىمدەلۋى ءتيىس. سونداي-اق, قازاقستان پرەزيدەنتى قول قويىپ بەكىتكەن جاڭارتىلعان كونس­تيتۋتسيا ەندى ءومىردىڭ ءوزى كۇن تارتىبىنە شىعارعان مىندەت­تەر­دى جۇزەگە اسىرۋعا جاردەم­دەسەتىن بولادى. رەفورما بويىنشا, ەكونو­مي­كالىق-الەۋمەتتىك سالانىڭ جۇمىسى پرەزيدەنت قۇزىرەتىنەن ۇكىمەتكە بەرىلدى. بۇدان بولەك, جەرگىلىكتى اكىمدىكتەردىڭ دە جاۋاپ­كەرشىلىگى كۇشەيتىلىپ وتىر. بۇل ءوز كەزەگىندە اتقارۋ­شى بي­لىك پەن حالىقتىڭ اراسىن جاقىن­داتا تۇسەدى. قالاي دەسەك تە, قازاقستان­داعى كونستيتۋتسيالىق رەفورما دەر كەزىندە جۇزەگە اسىرىلدى دەپ سانايمىز. ول ءوزىنىڭ جەمىسىن بەرەتىن بولادى. بۇل – اقىلمەن ويلاستىرىلعان, حا­لىق­ارالىق تاجىريبەلەرگە سۇيەن­گەن, وزىندىك باعىتى, سيپاتى بار رەفورما. وسى رەفورما­لار اياسىندا اتقارىلىپ جات­قان شارالاردىڭ بارلىعى قازاق­ستاننىڭ ۇزاق مەرزىمدى دامۋىنا, جاڭعىرۋىنا, مەملەكەتتىك باس­قارۋ جۇيەسىنىڭ جاڭا ءتيىمدى ءتاسى­لىنە كوشۋگە مۇمكىندىك بەرە­دى. بۇل – قازاقستاننىڭ دەموكراتيا جولىنداعى قارىشتى قادامى. جوان مانۋەل ترايتەر, يسپانيا ورتالىق سايلاۋ كوميسسياسىنىڭ مۇشەسى, جيرون ۋنيۆەرسيتەتى جاريا قۇقىق كافەدراسىنىڭ پروفەسسورى