استانانىڭ سارىارقا اۋدانىندا سۇرىلەتىن ەسكى ۇيلەردىڭ ورنىنا وننان استام جاڭا ساياباق پايدا بولادى, دەپ مالىمدەدى اۋدان اكىمى ارمان تۇرلىبەك.
"تەمىر جول ۆوكزالىنا جاقىن ورنالاسۋىن ەسكەرە وتىرىپ ءبىرجان سال كوشەسىندە چەموداندار ساياباعىن سالاتىن بولدىق", - دەدى اكىم.
ونىڭ ايتۋىنشا, بيىل 12 ساياباق سالىنادى.
وسىنداي تاعى ءبىر جوبا يلليۋزيا ساياباعى. رەسپۋبليكا مەن دۇكەن ۇلى كوشەلەرىنىڭ قيىلىسىندا يلليۋزيا ساياباعى, وندا ەيمس بولمەسى سالىنادى. بۇل بولمەنىڭ ءبىر بۇرىشىندا تۇرعان ادام ەكىنشى بۇرىشىنداعى اداممەن سالىستىرعاندا الىپ بولىپ كورىنەدى. سونىمەن قاتار, "كوزدى الدايتىن" باسقا دا بولمەلەر جاسالماق.
تاقىرىپتىق گۇلزارلاردان بولەك قالا بيلىگى ورامارالىق كەڭىستىكتەر جاساماق. ۇيلەردىڭ اۋلالارىندا ويىن الاڭدارى مەن سكەيتبورد الاڭدارى سالىنباق. قازىر اتالعان جۇمىستاردىڭ قاي جەرلەردە جاسالاتىنى انىقتالدى. ولاردىڭ ءتىزىمى تومەندەگىشە:
1. بەيبىتشىلىك كوشەسى, 18/1 — 0.25 گا.
2. سارىارقا داڭعىلى, 15 — 0.9 گا.
3. ن. تىلەنديەۆ داڭعىلى, 36 — 0.72 گا.
4. گ. پوتانين كوشەسى, 16, 18, 20 — 0.44 گا.
5. ش. ايمانوۆ كوشەسى, 22/1 — 0.51 گا.
6. كونستيتۋتسيا كوشەسى, 28 — 0.65 گا.
7. جەلتوقسان كوشەسى, 17 — 0.68 گا.
8. جەڭىس كوشەسى, 43/1 — 0.68 گا.
9. قۇتپانوۆ كوشەسى, 4 — 0.18 گا.
10. سارىبۇلاق جاعالاۋى — 1.1 گا.
11. دۇكەن ۇلى كوشەسى, 13 — 0.26 گا.
12. دۇكەن ۇلى كوشەسى 10 — 0.3 گا.
13. جەڭىس كوشەسى, 73 — 0.14 گا.
14 . جەلتوقسان كوشەسى 32/1 — 0.5 گا.