ايبەرگەنوۆ الەمى

تولەگەن ايبەرگەنوۆ بەينەسى دە ءوزىنىڭ پوەزياسى سياقتى سارتاپ ساعىنىشقا اينالىپ, عاسىر قويناۋىنا ءسىڭىپ بارادى. كۇنى كەشە ورتاڭدا بولعانداي, "سۇڭقار ءتوسى تومپيىپ قارسى قاراپ" تۇرعانداي سەزىلەتىن, قازاق پوەزياسىنداعى ساعىنىش ولشەمىن جەكە-دارا جۇگىندىرىپ قويعان اقىندى بار-جوعى 30 جىل دەر باسىپتى دەگەنگە ءوزىڭدى دە, وزگەنى دە سەندىرىپ كور... بيىل اقىننىڭ تۋعانىنا – 80 جىل. وسىعان وراي قازاقستان جازۋشىلار وداعىندا «تولەگەن ايبەرگەنوۆ پوەزياسى جانە قازىرگى زامان» اتتى حالىقارالىق عىلىمي-تەوريالىق كونفەرەنتسيا ءوتتى. تۇركيا, قىتاي, وزبەكستان, قىرعىزستان مەملەكەتتەرىنەن, قازاقستاننىڭ ءار تۇكپىرىنەن كەلگەن وكىلدەر مەن قو­ناق­تاردىڭ قاتىسۋىمەن وتكەن كەشتىڭ شى­مىل­دى­عى «ايبەرگەنوۆ الەمى» اتتى دەرەكتى ءفيلمنىڭ تۇساۋ­كە­سەرىمەن اشىلدى. اقىن, حالىقارالىق «الاش» ادەبي سىي­لىعىنىڭ يەگەرى ادىلعازى قايىربەكوۆ مودە­را­تورلىق ەتكەن كونفەرەنتسيادا ەڭ تاڭداۋلى دەگەن جەتى بايان­داما جاسالدى. بۇلاي دەيتىنىمىز, كون­فەرەنتسياعا ات­سا­لىسقان كورشىلەس ەلدەر مەن قا­زاقستاننىڭ ءار وب­لىسىنان 70-كە جۋىق بايانداما كەلىپ ءتۇسىپتى. بۇل – قازاق دەگەن حالىقتىڭ اقىن مۇراسىنا دەگەن قىزىعۋشىلىعىنىڭ, قۇرمەتىنىڭ كورىنىسى بولسا كەرەك. كونفەرەنتسيانىڭ العى ءسوزىن اقىن, قازاقستان جازۋشىلار وداعى باسقارما توراعاسىنىڭ ءبىرىنشى ورىن­باسارى عالىم جايلىباي ايتتى. فيلولوگيا عى­لىمدارىنىڭ دوكتورى, پرو­فەسسور, مەملەكەتتىك سىي­لىق­تىڭ يەگەرى مەكەمتاس مىر­زاح­مەتوۆ, «قازاق ەلى» جۋرنا­لى­نىڭ قىرعىزستانداعى ءتىل­شىسى, فيلولو­گيا عىلىمدارىنىڭ دوك­­تورى وعىز دوعان, اقىن سۆەت­­قالي نۇرجان, م.اۋەزوۆ اتىن­داعى ادەبيەت جانە ونەر ينس­­تيتۋتى, تەاتر جانە كينو ءبو­لىمىنىڭ مەڭگەرۋشىسى امان­گەلدى مۇقان, فيلولوگيا عىلىم­دا­رىنىڭ كانديداتى, دوتسەنت سال­تانات ايبەرگەنوۆا, اقىن ماق­­سات السەيىتوۆ, تارمپي «باۋىر­جانتانۋ» عزو عىلىمي قىزمەتكەرى ءالىمباي نايزاباەۆ اقىن شى­­عارماشىلىعىنىڭ ءار قىرىنا توقتالىپ, بايانداما جاسادى. حالىقارالىق جيىننىڭ قورى­تىندىسىندا ەل ۇكىمەتىنە شىم­كەنت قالاسىنداعى ت.ايبەر­گەنوۆ كو­شە­سىنە ەسكەرتكىش ورناتۋ; ءبىلىم جانە عىلىم مينيسترلىگىنە وقمپي جانىنان «تولەگەنتانۋ» عىلىمي-زەرتتەۋ ورتالىعىن اشۋ; قازاقستان جازۋشىلار وداعىنا تولەگەن ايبەرگەنوۆتىڭ تولىق شىعارمالار جيناعىن باسىپ شىعارۋدى ۇيىمداستىرۋ; الماتى قالاسى اكىم­دىگىنە بۇحار جىراۋ كوشەسىندەگى №81 مەكتەپكە ت.ايبەرگەنوۆ اتىن بەرۋ; الماتى قالاسىنداعى ماركوۆ كوشەسىن ت.ايبەرگەنوۆ اتىنا اۋىستىرۋ جايىن­دا ۇسىنىس جولداۋ تۋرالى قارار قابىلداندى. اتالمىش كونفەرەنتسيا ءتو­لەگەن ايبەرگەنوۆتىڭ 80 جىل­­دىعى قارساڭىندا اتقارىلار شا­را­لاردىڭ باسى عانا ەكەنىن ايتا كەتكەن ءجون. الماس ءنۇسىپ, «ەگەمەن قازاقستان» الماتى