استانا قالاسىنىڭ اكىمى اسەت يسەكەشەۆتىڭ تاپسىرماسىنا سايكەس, ۇستىمىزدەگى جىلدىڭ باسىندا «استانا Innovations» اق بازاسىندا استانا قالاسى اكىمدىگىنىڭ جوبالاۋ كەڭسەسى قۇرىلدى, دەپ حابارلادى ەلوردا اكىمدىگىنىڭ ءباسپاسوز قىزمەتى.
11 قاڭتاردا اكىمدىكتىڭ جالپى جينالىسىندا استانا قالاسى اكىمدىگىنىڭ جوبالاۋ كەڭسەسىنىڭ تۇجىرىمداماسى تانىستىرىلدى.
«استانا Innovations» اق استانا قالاسى اكىمى اپپاراتىنىڭ قولداۋىمەن جوبالاردى باسقارۋ ادىستەمەسىن ەنگىزۋ بويىنشا جۇمىستار جۇرگىزدى.
جوبالاردى باسقارۋ ادىستەمەسى جوبالاردى باسقارۋدىڭ وزىق تاجىريبەسىنە نەگىزدەلگەن جانە جەرگىلىكتى جاعدايلاردى ەسكەرە وتىرىپ استانا قالاسى اكىمدىگىنىڭ ماماندارىنا ارناپ ازىرلەنگەن.
قاڭتار ايىنان باستاپ اقپان ايىنا دەيىنگى كەزەڭدە اكىم اپپاراتىنىڭ, اكىمدىك باسقارمالارىنىڭ جانە ۆەدومستۆوعا قاراستى ۇيىمداردىڭ 140-تان اسا وكىلى وقىتىلدى.
قازىرگى ۋاقىتتا اكىمنىڭ اپپاراتى «استانا Innovations» اق-ىمەن بىرلەسە وتىرىپ استانا قالاسى اكىمدىگى جوبالارىنىڭ پورتفەلىن جاساقتادى.
جوبالار پورتفەلى كەلەسى باسىمدىقتى باعىتتار بويىنشا 160-تان اسا جوبادان تۇرادى:
1) ەكسپو-2017 حالىقارالىق كورمەسىنە دايىندىق بويىنشا جوبالار;
2) استانا قالاسىن دامىتۋ بويىنشا جوبالار;
3) استانا قالاسىن سمارت-سيتي رەتىندە دامىتۋ بويىنشا جوبالار.
ەكسپو-2017 حالىقارالىق كورمەسىنە دايىندىق بويىنشا جوبالار پاكەتىندە 50-دەن اسا جوبا تىركەلگەن, ولار بويىنشا ناقتى مىندەتتەر قويىلىپ, ەكسپو-2017 حالىقارالىق كورمەسى باستالعانعا دەيىن ىسكە اسىرۋ مەرزىمدەرى بەلگىلەنگەن.