«استانا» ۆەلوكومانداسىنىڭ شاباندوزى جاندوس بيجىگىتوۆ باحرەيندە ءوتىپ جاتقان ازيا چەمپيوناتىنىڭ توپتىق جارىسىندا ءۇشىنشى ورىن الدى. بۇل تۋرالى vesti.kz حابارلادى.
بيجىگىتوۆ 153,6 شاقىرىمدى ءۇش ساعات, 49 مينۋت 16 سەكۋندتا اياقتادى. بۇل سىندا ءبىرىنشى ورىنعا كورەيالىق سان-حو پاك يە بولسا, ءباا سپورتشىسى يۋسەف موحامەد ميرزا مارە سىزىعىن ەكىنشى بولىپ كەستى.
وسىعان دەيىن ازيا چەمپيوناتىنىڭ كوماندالىق جارىسىن قازاقستان قۇراماسى ءبىرىنشى ورىنمەن اياقتاعان بولاتىن. ال «استانا» ۆەلوشاباندوزى دميتري گرۋزدەۆ جەكەلەگەن سىندا التىن جۇلدەگەر اتاندى.
ايتا كەتەيىك, قازاقستان ۇلتتىق قۇراماسىن قازىرگى ۋاقىتتا «استانانىڭ» بۇرىنعى سپورتشىسى اسان بازاەۆ جاتتىقتىرادى.