قارجىلىق تۇراقتىلىقتى قامتاماسىز ەتۋ جانە بانك سەكتورىن قالىپقا كەلتىرۋ ماقساتىندا 2017 جىلعى 2 ناۋرىزدا قر ۇكىمەتى, قر ۇلتتىق بانكى, «سامۇرىق-قازىنا» ۇاق» اق, «پروبلەمالىق كرەديتتەر قورى» اق, «كازكوممەرتسبانك» اق جانە ونىڭ ءىرى اكتسيونەرلەرى, «قازاقستاننىڭ حالىق بانكى» اق جانە «بتا بانك» اق اراسىنداعى ءوزارا تۇسىنىستىك تۋرالى مەموراندۋمعا (بۇدان ءارى – مەموراندۋم) قول قويىلدى.
مەموراندۋمعا سايكەس «قازاقستاننىڭ حالىق بانكى» اق «كازكوممەرتسبانك» اق-تىڭ اكتسيالار پاكەتىن ساتىپ الۋعا نيەتتى. ءوز كەزەگىندە, «كازكوممەرتسبانك» اق-تىڭ اكتسيالار پاكەتىن ساتىپ الۋ جونىندەگى الەۋەتتى مامىلەنى ىسكە اسىرۋ ءۇشىن قر ۇكىمەتى جانە قر ۇلتتىق بانكى «پروبلەمالىق كرەديتتەر قورى» اق-تىڭ پروبلەمالىق اكتيۆتەردى ساتىپ الۋى جولىمەن قارجىلىق قولداۋ كورسەتۋگە نيەتتەنىپ وتىر. وسىعان دەيىن قر ۇلتتىق بانكى بانكتەردىڭ مەنەدجمەنتى مەن اكتسيونەرلەرى «قازاقستاننىڭ حالىق بانكى» اق پەن «كازكوممەرتسبانك» اق اراسىنداعى كەلىسسوزدەر پروتسەستەرىنىڭ باستالعانى تۋرالى حاباردار ەتىلدى.