ورتا سالماقتا WBA (Super), IBO, WBC جانە IBF تۇجىرىمدارى بويىنشا الەم چەمپيونى قازاقستاندىق گەننادي گولوۆكين (36-0, 33 كو) ESPN تەلەارناسىنداعى «A los golpes» باعدارلاماسىنا قاتىستى.
باعدارلامادا قازاقستاندىق بوكسشى ساۋل «كانەلو» الۆارەس پەن كىشى حۋليو سەزار چاۆەس اراسىنداعى ايقاستا كىمنىڭ جەڭىسكە جەتەتىنى جايلى پىكىر ءبىلدىردى.
«حۋليونىڭ جەڭىسكە جەتكەنىن قالار ەدىم. بىراق وعان بۇل سالماقتا الۆارەسكە قارسى تۇرۋ قيىن بولاتىن سياقتى. ال «كانەلو» 164 فۋنتتا جۇدىرىقتاسىپ ۇيرەنىپ قالعان. سوندىقتان ۇپاي بويىنشا جەڭەدى دەپ ويلايمىن. بىراق ءوزىم كىشى چاۆەسكە جانكۇيەرلىك ەتەمىن», – دەدى گولوۆكين.
قوس مەكسيكالىقتىڭ اراسىنداعى جەكپە-جەك 6 مامىر كۇنى اقش-تىڭ لاس-ۆەگاس قالاسىنداعى «T-Mobile Arena» ارەناسىندا وتەدى. ءبىر قىزىعى, ەكى بوكسشىنىڭ اراسىنداعى اۋىزشا كەلىسىم بويىنشا جەڭگەنى ءوزىنىڭ عانا ەمەس قارسىلاسىنىڭ دا گونورارىنا يە بولادى.
«ءبىز ەكەۋىمىز بۇل شەشىمگە كەلىستىك, ءارى جۋرناليستەر الدىندا ناعىز جىگىتتەر سەكىلدى قول الىستىق. اقش-تا اۋىزشا كەلىسىمنىڭ ءوزى رەسمي بولىپ ەسەپتەلەدى دەگەن ويدامىن. ءباس تىگىلدى. نە ول, نە مەن اقشاسىز قايتامىز», – دەدى الۆارەس.