- دەيدى دونگ كيوك كيم, كورەيا رەسپۋبليكاسى پەرسونالدى باسقارۋ ءمينيسترى.
استاناداعى مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەت توراعاسى اليحان بايمەنوۆ كورەيا رەسپۋبليكاسى پەرسونالدى باسقارۋ ءمينيسترى دونگ كيوك كيممەن كەزدەستى.
كەزدەسۋ بارىسىندا اليحان بايمەنوۆ كورەيا رەسپۋبليكاسى مەن امەريكا, ەو, تمد, كاۆكاز جانە AسEAن ەلدەرىن قوسا العاندا 36 مەملەكەت قاتىساتىن استانا حابى اراسىنداعى ىنتىماقتاستىقتىڭ بەلسەندى دامىپ وتىرعانىن اتاپ ءوتتى. «حاب ايماق ەلدەرى ۇكىمەتتەرىنە مەملەكەتتىك قىزمەتتى دامىتۋعا عانا ەمەس, وزىق تاجىريبە مەن يننوۆاتسيالىق تاسىلدەردى تاراتۋعا دا قولداۋ كورسەتەدى», - دەدى اليحان بايمەنوۆ.
كيم مىرزا ءبىلىم مەن تاجىريبە الماسۋدىڭ حالىقارالىق تۇعىرناماسى رەتىندەگى حابتىڭ قىزمەتىنە جوعارى باعا بەرىپ, ىنتىماقتاستىقتى جالعاستىرۋعا نيەت ءبىلدىردى. «حاب - مەملەكەتتىك قىزمەتتى دامىتۋدا بىرەگەي ءارى پايدالى تۇعىرناما. بىز وسى الاڭدا ءوز تاجىريبەمىزبەن باسقا ايماق ەلدەرىمەن بولىسۋگە دايارمىز جانە سول ارقىلى جاڭا تاجىريبە جيناقتاعىمىز كەلەدى», - دەدى كيم مىرزا.
كەزدەسۋ بارىسىندا تاراپتار استانا حابى اۋقىمىندا كورەيا رەسپۋبليكاسى تاجىريبەسى نەگىزىندە بىرلەسكەن تاقىرىپتىق زەرتتەۋلەر مەن حاب قاتىسۋشى ەلدەرى مەملەكەتتىك قىزمەتكەرلەرىنىڭ الەۋەتىن ارتتىرۋ بويىنشا شارالار وتكىزۋ, ساراپشىلار جەلىسىن ارتتىرۋ مۇمكىندىكتەرىن قاراستىردى. سونىمەن بىرگە ولار ادام رەسۋرستارىن دامىتۋ, يننوۆاتسيالىق جوبالاردى ەنگىزۋ, تالانت-مەنەدجمەنت پەن مەملەكەتتىك قىزمەت قۇندىلىقتارى جۇيەسىن دامىتۋعا بايلانىستى پىكىر الماستى.
كورەيا رەسپۋبليكاسى – ايماق ەلدەرىنىڭ مەملەكەتتىك قىزمەت سالاسىنداعى تاجىريبە مەن ءبىلىم الماسۋدا ينستيتۋتسيونالدى الاڭ سانالاتىن استانا حابىنىڭ بەلسەندى قاتىسۋشىسى جانە قۇرىلتايشىلارىنىڭ ءبىرى.