سەنات دەپۋتاتى دارحان قالەتاەۆ 2020 جىلعا دەيىن وڭىرلەردى دامىتۋ باعدارلاماسى اياسىندا باسپانا الۋعا ءۇمىتتى وتباسىلار ءۇشىن جاس ارالىعىن ۇلعايتۋدى ۇسىندى, دەپ حابارلايدى abctv.kz.
قالەتاەۆ بەيسەنبى كۇنى سەناتتىڭ جالپى وتىرىسىندا سويلەگەن سوزىندە قر پرەمەر-ءمينيسترى باقىتجان ساعىنتاەۆتىڭ اتىنا وسىنداي ساۋال سالدى.
2020 جىلعا دەيىن وڭىرلەردى دامىتۋ باعدارلاماسىنا سايكەس, بىرنەشە باعىتتار بويىنشا قول جەتىمدى باسپانا سالۋ قاراستىرىلادى.
«الايدا باسپانا الۋعا ءۇمىتتى وتباسىلار ءۇشىن جاس شەكتەۋى بار», — دەپ اتاپ ءوتتى قالەتاەۆ. ماسەلەن, ءبىر سانات بويىنشا, ەرلى-زايىپتىلار ءۇش جىل وتاسقان, ءبىر بالالى جانە 35 جاسقا تولماعان بولۋى ءتيىس. ەكىنشى ءبىر سانات بويىنشا, جاس وتباسىنىڭ نەكەلەسكەنىنە ەكى جىلدان اسپاۋى كەرەك جانە ەرلى-زايىپتىلاردىڭ جاسى 29-دان اسپاۋى شارت.
سەناتوردىڭ ايتۋىنشا, قازىرگى تاڭدا باسپانا ماسەلەسى جاستار اراسىندا وتە وزەكتى بولىپ وتىر. سول سەبەپتى نەكەلەسۋ جاسى دا العا جىلجىدى.
قالەتاەۆ مالىمدەگەندەي, مۇنداي جاعدايدا وتباسىلار ءۇشىن جاس تالاپتارىن وزگەرتۋ قاجەت.
«قۇرمەتتى باقىتجان ءابدىر ۇلى, ءبىر سانات بويىنشا جاس ارالىعىن 35-تەن 39 جاسقا دەيىن ۇلعايتۋدى, ال «جاس وتباسى» ساناتى بويىنشا 29 جاستان 35 جاسقا دەيىن بەلگىلەۋدى قاراستىرۋىڭىزدى سۇرايمىن», — دەدى قالەتاەۆ پرەمەر-مينيسترگە.