«ازاماتتارعا ارنالعان ۇكىمەت» مەملەكەتتىك كورپوراتسياسىندا سويلەۋ جانە ەستۋ قابىلەتى بۇزىلعان ازاماتتارعا مەملەكەتتىك قىزمەتتەردى كورسەتۋدە جاڭا سەرۆيس پايدا بولدى, دەپ حابارلادى اكتسيونەرلىك قوعامنىڭ ءباسپاسوز قىزمەتى.
ەندى بۇل ادامدارعا ىمداۋ ءتىلىنىڭ كاسىبي مامانى ارنايى قوسالقى مونيتوردان شىنايى ۋاقىت رەجيمىندە سۋردواۋدارما ۇسىناتىن بولادى. بۇل پيلوتتىق جوبا ازاماتتارعا ارنالعان ۇكىمەتتىڭ باستاماسىمەن «اۋعان سوعىسىنىڭ قازاقستاندىق رەسپۋبليكالىق مۇگەدەكتەر بىرلەستىگى» قوعامدىق بىرلەستىگىمەن بىرىگە وتىرىپ جۇزەگە اسىرىلدى.
«ازاماتتارعا ارنالعان ۇكىمەت» مەملەكەتتىك كورپوراتسياسى» كە اق باسقارماسىنىڭ توراعاسى ابىلايحان وسپانوۆتىڭ ايتۋىنشا بۇگىندە حالىققا قىزمەت كورسەتۋ ورتالىقتارىندا سۋردواۋدارما ءتىلىن مەڭگەرگەن 862 مامان جۇمىس ىستەۋدە. «دەگەنمەن دە, ءبىز وسىمەن توقتاپ قالماي, ودان ءارى دامىتۋدى ءجون كوردىك. ەندى حقكو-نىڭ جەڭىلدىك تەرەزەسىنە جۇگىنگەن سويلەۋ جانە ەستۋ قابىلەتتەرى بۇزىلعان تۇلعالار ىم-يشارات تىلىندە قاجەتتى قۇجاتتى قالاي الۋ كەرەكتىگىن شىنايى ۋاقىت رەجيمىندە ايتىپ بەرەتىن, ونلاين سۋردواۋدارما ارقىلى قىزمەت الا الادى» - دەدى وسپانوۆ.
ازىرگە بۇل پيلوتتىق جوبا استانا مەن الماتىنىڭ حقكو-لارىندا جۇزەگە اسىرىلعان, ال باسقا اۋدانداردا پيلوتتىق جوبانى جۇزەگە اسىرۋعا دايىندىق جۇمىستارى جۇرگىزىلۋدە.
ايتا كەتسەك, وتكەن جىلى مەملەكەتتىك كورپوراتسيا جۇمىسكەرلەرى 1 جانە 2 توپتىق مۇگەدەكتىگى بار ازاماتتارعا 39 مىڭعا جۋىق قىزمەتتى ۇيىندە كورسەتكەن.