ىقىلاستى قۇتتىقتاۋلار, ىزگى تىلەكتەر

قازاقستان پرەزيدەنتى نۇرسۇلتان نازارباەۆتىڭ اتىنا مەملەكەت, ۇكىمەت باسشىلارىنان, حالىق­ارا­لىق ۇيىم­دار­دىڭ جەتەكشىلەرىنەن سايلاۋداعى جەڭىسىنە باي­لا­نىستى قۇتتىقتاۋلار كەلىپ تۇسۋدە مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى تاماشا جەڭىسى­مەن يتاليا رەسپۋبليكاسى مينيسترلەر كەڭەسىنىڭ توراعاسى سيلۆيو بەرلۋسكوني قۇتتىقتادى. قۇتتىقتاۋدا بىلاي دەلىنگەن: اسا قۇرمەتتى پرەزيدەنت, قىمباتتى نۇرسۇلتان ءابىش ۇلى, ءسىزدى قازاقستان پرەزيدەنتى قىز­مەتىنە قايتا سايلانۋىڭىزبەن شىن جۇرەكتەن قۇتتىقتايمىن. ساي­لاۋ­دىڭ ناتيجەسى – قازاقستان حال­قى­نىڭ سىزگە دەگەن جوعارى سەنىمى مەن سۇيىسپەنشىلىگىنىڭ ايقىن كورىنىسى. سىزگە قازاقستاندىقتاردىڭ يگى­­لىگى جو­لىن­دا تا­بىستى ەڭ­بەك جانە حا­لىق­ارالىق ارەنادا ءسىزدىڭ ەلى­ڭىز­دىڭ بەدەلى مەن ءرولى ودان ءارى ارتا بەرۋىن تىلەيمىن. مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى سەنىمدى جەڭىسىمەن اۋعانستان يسلام رەسپۋبليكاسىنىڭ پرەزيدەنتى حاميد كارزاي قۇتتىقتادى. قۇتتىق­تاۋدا بىلاي دەلىنگەن: قۇرمەتتى پرەزيدەنت مىرزا, جوعارى مارتەبەلى قازاقستان پرەزيدەنتتىگىنە قايتا سايلانۋى­ڭىز دانا باسشىلىعىڭىزدىڭ ەلىڭىز­دىڭ حالقىنان كەڭ قولداۋ تاپ­قا­نىن كورسەتەدى. اۋعانستان حالقى جوعارى ءمار­تەبەلى باسشىلىعىمەن جۇزەگە اسى­رىلىپ وتىرعان قا­زاق­ستان­نىڭ كومەگىن ءار­دايىم ريزا­شى­لىق­پەن قابىل­داي­دى. اۋعانستان مەن قازاق­ستان حا­لىق­تارى ارا­سىن­دا ور­نىق­قان تى­عىز بايلا­نىس­تاردى جوعارى باعالاي كەلە, ءبىزدىڭ ەلدەرىمىز اراسىنداعى دوستىق قارىم-قاتىناستار مەن ءوزارا ءىس-قيمىل الدا دا كەڭەيە تۇسەتىنىنە سەنەمىن. مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى سەنىمدى جەڭىسىمەن ءوز­بەكستان رەسپۋبليكاسىنىڭ پرەزيدەنتى يسلام كاريموۆ قۇتتىقتادى. قۇتتىقتاۋدا بىلاي دەلىنگەن: قۇرمەتتى نۇرسۇلتان ءابىش ۇلى! تاياۋدا بولىپ وتكەن سايلاۋدىڭ ناتيجەسى قازاقستان حالقىنىڭ سىزگە دەگەن سەنىمى مەن قولداۋى­نىڭ جوعارى ەكەندىگىنىڭ ايقىن كورىنىسى. كورەگەن ساياساتكەر جانە باسشى رەتىندەگى ءسىزدىڭ باي تاجىريبەڭىز بۇ­دان بىلاي دا قازاقستان ءمۇد­دەسىنە, ءبىز­دىڭ ەلدەرىمىز بەن حا­لىق­تارىمىز اراسىنداعى دوستىق جانە تاتۋ كور­شى­لەستىك قاتىناستاردى نىعاي­تۋ­عا قىزمەت ەتە بەرەتىنىنە سەنەمىن. مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى سەنىمدى جەڭىسىمەن تاجىكستان رەسپۋبليكاسىنىڭ پرەزيدەنتى ەمو­مالي راحمون قۇتتىقتادى. قۇتتىقتاۋدا بىلاي دەلىنگەن: قۇرمەتتى نۇرسۇلتان ءابىش ۇلى! بۇگىندە قازاقستاندى حالىق­ارا­لىق ارەنادا تەك قانا ءوز ازا­ماتتارىنا بەيبىتشىلىك پەن تۇراق­تىلىقتى, قاۋىپسىزدىك پەن گۇل­دە­نۋدى, ۇيلەسىم مەن دامۋدى قام­تا­ماسىز ەتكەن مەملەكەت رەتىندە عانا ەمەس, سونداي-اق الەمدىك قو­عامداستىق ءمۇ­شە­لەرىمەن تىعىز ىنتى­ماق­تاستىق پەن جەمىستى سەرىكتەستىكتى ورنىق­تىر­­عان مەملەكەت رەتىندە ءبى­­لەدى. قا­زاقستان حال­قى تاۋەل­سىزدىك جىل­دارىنداعى ەلدە جۇزەگە اسىرىلعان وراسان جاڭارۋلاردى ءسىزدىڭ ەسىمىڭىزبەن تىكەلەي بايلانىستىرادى. مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى تاماشا جەڭىسىمەن يران يسلام رەسپۋبليكاسىنىڭ پرەزيدەنتى ماح­مۋد احمادينەجاد قۇتتىقتادى. قۇت­تىق­تاۋدا بىلاي دەلىنگەن: جوعارى مارتەبەلى, ءسىزدى قازاقستان رەسپۋبلي­كا­سىنىڭ پرەزيدەنتى قىزمەتىنە قايتا سايلانۋىڭىزبەن شىن نيەتىممەن قۇتتىقتايمىن. يران يسلام رەسپۋبليكاسى مەن قازاقستان رەسپۋبليكاسى ارا­سىنداعى دوستىق قارىم-قاتى­ناس­تار مەن ىنتىماقتاستىق كەلەشەكتە دە تا­بىس­تى دامي بەرەتىنىنە سەنەمىن. سىزگە مىقتى دەن­ساۋلىق جانە تابىس, قازاقستان حالقى مەن ەلىنە باقىت پەن يگىلىك تىلەيمىن. مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى سەنىمدى جەڭىسىمەن ەۋروپا كەڭەسى پارلامەنتتىك اسسامبلەياسىنىڭ پرەزيدەنتى مەۆليۋت چاۆۋشوگلۋ قۇتتىقتادى. قۇتتىقتاۋدا بىلاي دەلىنگەن: قۇرمەتتى پرەزيدەنت مىرزا, ءسىزدى قازاقستان رەسپۋبلي­كا­سىنىڭ پرەزيدەنتى قىزمەتىنە قايتا سايلانۋىڭىزبەن شىن ءجۇ­رەكتەن قۇتتىقتاۋعا رۇقسات ەتىڭىز. بايقاۋشىلاردىڭ قورىتىن­دى­سىنا وراي, قازاقستان ءار وتكىزگەن سايلاۋ بارىسىندا ونىڭ پروتسەسى ەلەۋلى جەتىلدىرىلە تۇسكەنى اتاپ وتىلگەن. ءوت­كەن سايلاۋ ناتيجەلەرى قازاقستان حالقىنىڭ قالاۋىن بىلدىرەدى. مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى سەنىمدى جەڭىسىمەن ليۋكسەمبۋرگ ۇلى گەرتسوگتىگى پرەمەر-ءمينيسترى جان-كلود يۋنكەر قۇتتىقتادى. قۇتتىقتاۋدا بىلاي دەلىنگەن: قۇرمەتتى پرەزيدەنت مىرزا, قازاقستان رەسپۋبليكاسى پرەزيدەنتى قىزمەتىنە ءسىزدىڭ قايتا سايلانۋىڭىزعا بايلانىستى ءسىزدى شىن جۇرەكتەن قۇتتىقتاۋعا, سون­داي-اق ءسىزدىڭ جوعارى قىزمە­تى­ڭىزدە جاڭا جارقىن ىستەر مەن جەتىستىكتەر تىلەۋگە رۇقسات ەتىڭىز. سىزبەن بىرگە ءبىزدىڭ ەلدەرىمىز بەن ءبىزدىڭ حالىقتارىمىز ارا­سىن­داعى دوستىق بايلانىستاردى نى­عايتۋعا ءجا­نە ىن­تى­ماق­­تاستىق­تى كۇ­شەي­تۋ­گە ۇمتى­لا­تى­نى­مىز­عا قۋانىش­تىمىن. مەن ءۇشىن ەكى- جاقتى قا­رىم-قاتىناستار مەن حالىق­ارا­لىق كۇن تارتىبىندەگى ماسەلەلەردى سىزبەن تالقىلاۋ مۇمكىندىگىنە يە بولۋ ۇلكەن قۇرمەت. مەملەكەت باسشىسى نۇرسۇلتان نازار­باەۆ­تى پرەزيدەنتتىك سايلاۋداعى تاماشا جە­ڭىسى­مەن ومان سۇلتانى كابۋس بەن سايد قۇت­تىق­تادى. قۇتتىقتاۋدا بىلاي دەلىنگەن: جوعارى مارتەبەلى, ءسىزدى قازاقستان رەسپۋبليكاسى پرە­زيدەنتى قىزمەتىنە قايتا ساي­لا­نۋ­ىڭىزبەن قۇتتىقتاۋعا رۇقسات ەتىڭىز. وسى مۇمكىندىكتى پايدالانا وتى­رىپ, ءبىزدىڭ حالىقتارىمىز­دىڭ يگىلىگى ءۇشىن قازاقستان مەن ومان سۇلتاناتى اراسىنداعى دوس­تىق بايلانىس­تار مەن ىن­تى­ماق­تاس­تىقتى نى­عاي­تۋعا دەگەن ءبىزدىڭ شى­نايى ۇم­تى­لىسى­مىز­دى تاعى دا قۋاتتاعىمىز كەلەدى.   مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى جارقىن جەڭىسىمەن تۇرىك رەسپۋبليكاسىنىڭ پرەمەر-ءمينيسترى رەد­جەپ تايپ ەردوعان قۇتتىقتادى.  قۇت­تىقتاۋدا بىلاي دەلىنگەن: جوعارى مارتەبەلى, سايلاۋدىڭ ناتيجەسى قازاق­ستان حالقىنىڭ ءسىزدىڭ وسى كۇنگە دەيىن ۇستانعان ساياسي جانە الەۋ­مەت­تىك باعىت-باعدارىڭىزدى قول­داي­تىنىن ايقىندايتىن ماڭىزدى كورسەتكىش ەكەنى داۋسىز. قازاق­ستان­نىڭ الداعى كەزەڭدەردە ءسىزدىڭ باسشىلىعى­ڭىزبەن گۇلدەنۋ جو­لىن­داعى نىق قادامدارىن ودان ءارى جالعاستىرا تۇسەتىنىنە تولىق سەنىمدىمىن. ەلدەرىمىز اراسىنداعى باۋىر­لاس­تىق سەزىمدەر مەن ورتاق ءتىل, مادەنيەت جانە تاريحي بايلانىس­تار­دان كۇش الاتىن مىزعىماس قارىم-قا­تى­ناستار مەن ىنتىماقتاستىق حا­لىق­تارىمىزدىڭ مۇددەسى ءۇشىن ارتا تۇسەدى جانە وڭىرىمىزدەگى بەيبىتشىلىك پەن تۇراقتىلىققا قىزمەت ەتەدى دەگەن سەنىمدەردى وسى ورايدا تاعى دا ءبىر رەت قۋاتتاعىم كەلەدى. مەملەكەت باسشىسى نۇرسۇلتان نازارباەۆ­تى پرەزيدەنتتىك سايلاۋداعى سەنىمدى جەڭىسىمەن تۇركى تىلدەس ەلدەر پارلامەنتتىك اسسام­بلەيا­سىنىڭ باس حاتشىسى راميل ھاسانوۆ قۇت­تىق­تادى.  قۇتتىقتاۋدا بىلاي دەلىنگەن: اسا قۇرمەتتى نۇرسۇلتان ءابىش ۇلى, سايلاۋ ناتيجەلەرى ءوز بو­لا­شاعى مەن ۇكىلى ءۇمىتىنىڭ كەلەشەكتەگى قارقىندى الەۋمەتتىك جانە ەكونو­ميكالىق دامۋىن ءوزىڭىزدىڭ ەسىمىڭىز­بەن بايلانىستىراتىن قا­زاقستان حالقىنىڭ سىزگە دەگەن اي­رىقشا سەنىمىن مەيلىنشە اي­عاق­تايدى. ءبىز ءسىزدى الەمدەگى زور قۇرمەت پەن ابىروي-بەدەلگە يە دانا, ۇستا­نىمى بەرىك ساياساتكەر رەتىندە بىلەمىز. وڭىرلىك ليدەر بولا وتىرىپ, قا­­زاق­ستان ءتۇر­­كى قوعام­داس­تىعىنا كى­رەتىن باۋ­ىرلاس ەل­دەر­دىڭ كوپ قىرلى ءوزارا ءىس-قيمىلىن جان-جاقتى دامىتۋعا باعىتتالعان قىز­مە­تىندە باستى رولدەردىڭ ءبىرىن اتقارادى. ءسىزدىڭ بەلسەندى ۇستانى­مىڭىز الدى­مىز­دا تۇرعان مىندەتتەردى وڭتايلى شەشۋگە ءتيىمدى جول سالۋعا ءمۇم­كىندىك بەرەتىنىنە سەنەمىن.