مەملەكەتتىك حاتشى – سىرتقى ىستەر ءمينيسترى قانات ساۋداباەۆ ليتۆا رەسپۋبليكاسىنىڭ سىرتقى ىستەر ءمينيسترى – ەقىۇ-نىڭ ءىس باسىنداعى توراعاسى اۋدرونيۋس اجۋباليسپەن تەلەفون ارقىلى سويلەستى, دەپ حابارلادى قر ءسىم-ءىنىڭ ءباسپاسوز قىزمەتى.
ا.اجۋباليس سۇحباتتاسىن پرەزيدەنتتىك سايلاۋدىڭ ءساتتى ءوتۋىمەن قۇتتىقتادى. ول قازاقستان مەن ەقىۇ ىنتىماقتاستىعىنىڭ جەمىستى بولۋىنىڭ ماڭىزدىلىعىن ەرەكشە اتاپ ءوتتى.
قۇتتىقتاۋدى قابىل الىپ, ق.ساۋداباەۆ سايلاۋدىڭ اشىق جانە ترانسپارەنتتى اۋاندا ءوتۋى قازاقستان دەموكراتياسىنىڭ دامۋ جولىنداعى ماڭىزدى قادامدى بايقاتقانى دەپ مالىمدەدى.
سول كۇنى, تەلەفون ارقىلى اڭگىمەلەسۋ بارىسىندا اۆستريا سىرتقى ىستەر ءمينيسترى ميحاەل شپيندەلەگگەر پرەزيدەنت ن.نازارباەۆتى وتكەن سايلاۋداعى جەڭىسىمەن قۇتتىقتاپ, الداعى ۋاقىتتا ەكى ەل اراسىنداعى ءوزارا ىقپالداستىقتىڭ دامۋىنا سەنىم ءبىلدىردى.