«قازكا» قازاقستان كاسىپكەرلەرى قاۋىمداستىعىنىڭ مۇشەلەرى نۇرسۇلتان ءابىش ۇلى نازارباەۆتى قازاقستان رەسپۋبليكاسىنىڭ پرەزيدەنتتىگىنە قايتا سايلانۋىمەن شىن جۇرەكتەن قۇتتىقتادى.
وسىناۋ ايقىن جەڭىس بارشا قازاقستان حالقىنىڭ ەلباسىمىزعا دەگەن سەنىمىنىڭ جوعارى دارەجەسىنىڭ دالەلى. ەلىمىزدىڭ تاۋەلسىزدىك كەزەڭىنەن باستاپ ەلباسى باسشىلىعىمەن ساياسي جانە الەۋمەتتىك-ەكونوميكالىق رەفورمالاردى ىسكە اسىرۋدا, الەمدىك قوعامداستىققا ينتەگراتسيالانۋدا, كوپ ۇلتتى حالىقتىڭ بەيبىتشىلىك پەن مەيىرىمدىلىكتە جاڭا مەملەكەت سالۋدا ەلەۋلى تابىستارعا قول جەتكىزۋىنە تەك قازاقستاندىقتار عانا ەمەس, بۇكىل الەم كۋا, دەلىنگەن قۇتتىقتاۋدا.
قازاقستان ەلباسىمىزدىڭ كوشباسشىلىعىمەن الدىڭعى قاتارلى دەموكراتيالىق مەملەكەتكە اينالدى.
ەلباسىمىزدىڭ وراسان زور ساياسي ءتاجىريبەسى, ومىرلىك دانالىعى مەن سارقىلماس كۇش-قۋاتى ءالى ۇزاق جىلدار بويى قازاقستان حالقىنىڭ مۇددەسىنە قىزمەت ەتەتىنىنە كۇمان جوق.