قايتا ورالعان كوممۋنيستىك سەنبىلىك

كەشە استاناداعى قكحپ-نىڭ قالالىق كوميتەتى ورنالاسقان بەيبىتشىلىك كوشەسىنىڭ بويىندا كەزەكتەن تىس پرەزيدەنتتىك سايلاۋ قارساڭىندا كوممۋنيستىك سەنبىلىك ۇيىمداستىرىلدى. بۇل شاراعا كوممۋنيستىك حالىقتىق پارتياعا مۇشە ازاماتتار ۇيىتقى بولدى. قولىنا كۇرەك ۇستاپ, قالانى كۇل-قوقىس پەن قاردان تازارتۋ ءۇشىن سەنبىلىككە شىققان ازامات­تار­دىڭ ءبىرى – عابدوللا زاريپوۆ. ەڭبەك ءوتىلى 58 جىلدى يەكتەگەن قاريا كوممۋنيستىك پارتيا قاتا­رى­نا 50-ءشى جىلدارى قوسىلعان ەكەن. جاسى 86-نى ەڭسەرسە دە, قارتتىڭ ءجۇرىسى شيراق, قيمىلى ەپتى كورىندى. «ءبىزدىڭ سەنبىلىكتى ۇيىمداستىرۋداعى ماقساتىمىز – وزگە پارتيالارعا ۇلگى كورسەتۋ. ولار­دىڭ دا وسىنداي يگى شارا­لار­دى اتقارۋىنا مۇرىندىق بولۋ. بۇگىن ءبىز ءبىر كىسىدەي جۇمىلىپ, وسى سەنبىلىككە قاتىسۋعا كەلدىك. سول ارقىلى قالانىڭ تازالى­عى­نا, كورىكتى بولۋىنا ۇلەس قوسپاق نيەتتەمىز», – دەدى ارداگەر كوممۋنيست. سونداي-اق, ول بۇگىندە كوممۋنيستىك حالىقتىق پارتيا كوتەر­گەن باستامالارعا حالىقتىڭ كوپ بولىگى قولداۋ كورسەتىپ وتىرعا­نىن, بۇل حالىق­شىل­دار ءۇشىن وتە ماڭىزدى ءرول اتقا­را­تىنىن ايتىپ ءوتتى. «ءبىزدىڭ باعدار­لا­ما­لارىمىز – ەل تۇرعىندارىن جۇمىسپەن قام­تۋعا, قارتتاردىڭ زەينەتاقى­لارىن كوتەرۋگە, ءبىر سوزبەن ايت­قاندا, حا­لىق­تىڭ الەۋمەتتىك الەۋە­تىن جاقسارتۋعا با­عىت­تالۋى­مەن قۇندى», – دەدى ع.زاريپوۆ. اتالعان شارانىڭ باسى-قا­سىندا جۇرگەن جانداردىڭ اي­تۋىن­شا, بۇل باستاما سايلاۋالدى ۇگىت-ناسيحات جۇمىستارىنىڭ سوڭ­عى كۇندەرىنە ورايلاستىرىلىپ وتىر ەكەن. «بۇگىنگى سەنبىلىككە 35 ادام جينالدى. ولاردىڭ ارا­سىندا ءبىزدىڭ ارداگەرلەر, پارتيا­نىڭ قالالىق كوميتەتىنىڭ مۇشە­لە­رى جانە سايلاۋالدى ناۋقانىنا قولۇشىن بەرىپ جۇرگەن جاستار دا بار. بۇدان كەيىن جەلتوقسان كو­شەسى مەن جەڭىس جانە رەسپۋبليكا داڭعىلدارىنا دا بارىپ, سول جەرلەردە دە سەنبىلىك ءوت­كىز­بەكپىز. سەنبىلىك – ءبىزدىڭ پارتيا اتىنان سايلاۋعا ءتۇسىپ وتىرعان جامبىل احمەتبەكوۆتىڭ الداعى ساياسي ناۋ­قانعا قاتىستى ساي­لاۋالدى ناۋقانىنىڭ سوڭعى شارالارىنىڭ ءبىرى. قكحپ-نىڭ ورتالىق شتابى دا بىزگە وسىنداي سەنبىلىك وتكىزۋ جونىندە ۇسىنىس ايتقان بولاتىن», – دەدى قكحپ استانا قالالىق كوميتەتىنىڭ ءبىرىنشى حاتشىسى ۇمسىندىق بايزاقوۆا. ءلايلا ەدىلقىزى. استانا. --------------------------- سۋرەتتە: حالىقشىل كوممۋنيستەر سەنبىلىكتە.