وقۋ-اعارتۋ مينيسترلىگىنىڭ قولداۋىمەن 2018 جىلدان بەرى ءداستۇرلى تۇردە ۇيىمداستىرىلىپ كەلە جاتقان رەسپۋبليكالىق بەينەساباقتار مەن بەينەدارىستەر بايقاۋىنىڭ كەزەكتى كەزەڭى باستالدى. بايقاۋعا ەلىمىزدىڭ بارلىق وڭىرىندەگى مەكتەپكە دەيىنگى, ورتا, قوسىمشا, تەحنيكالىق جانە كاسىپتىك, سونداي-اق ورتا بىلىمنەن كەيىنگى ءبىلىم بەرۋ ۇيىمدارىنىڭ پەداگوگتەرى قاتىسا الادى, دەپ حابارلايدى Egemen.kz.
بايقاۋ ەكى كەزەڭنەن تۇرادى: وڭىرلىك جانە رەسپۋبليكالىق. وڭىرلىك كەزەڭدە قاتىسۋشىلار ءوز پەداگوگيكالىق يدەياسىنىڭ مازمۇنى مەن وزەكتىلىگىن جازباشا تۇردە نەگىزدەپ ۇسىنادى. ءاربىر پەداگوگ تەك ءبىر باعىت بويىنشا ءبىر عانا جۇمىس جولداي الادى. جوبالار قازاق, ورىس نەمەسە اعىلشىن تىلدەرىندە قابىلدانادى. ۇسىنىلعان ماتەريال بۇرىن ەش جەردە جاريالانباعان, وزگە كونكۋرستارعا قاتىستىرىلماعان جانە اۆتورلىق قۇقىق تالاپتارى ساقتالعان جەكە ادىستەمەلىك يدەياعا نەگىزدەلۋى قاجەت. ال بەينەماتەريال تەك رەسپۋبليكالىق كەزەڭگە وتكەن جۇمىستار ءۇشىن تالاپ ەتىلەدى.
ماڭعىستاۋلىق پەداگوگتەر حالىقارالىق جوبادا جەڭىمپاز اتاندى
بايقاۋ كەلەسى باعىتتاردى قامتيدى: – وقۋ ساۋاتتىلىعى; – ماتەماتيكالىق ساۋاتتىلىق; – جاراتىلىستانۋ-عىلىمي ساۋاتتىلىق; – تسيفرلىق ساۋاتتىلىق; – ەكولوگيالىق ساۋاتتىلىق; – مادەنيەتارالىق ساۋاتتىلىق; – قارجىلىق ساۋاتتىلىق; – جاھاندىق قۇزىرەتتەر.
وڭىرلىك كەزەڭگە وتىنىمدەر 2 ناۋرىز بەن 30 ماۋسىم ارالىعىندا https://ppi.orleu.edu.kz سايتىندا قابىلدانادى.
پرەزيدەنت الەمدەگى ەڭ ۇزدىك پەداگوگتەردىڭ قاتارىنا ەنگەن الماتىلىق مۇعالىمدى قۇتتىقتادى