استانا قالاسىندا OzgeEpic كرەاتيۆحابىنىڭ باستاماسىمەن سۋرەتشى جانە ساۋلەتشى اسەل ەسجانوۆانىڭ «Boran-بۋران» دەپ اتالاتىن تۇڭعىش جەكە كورمەسى اشىلدى. جوبا قوعامنىڭ مادەني جادىن, اۆتور ءومىربايانىن, عارىش جانە مەتافيزيكالىق كەڭىستىك تاقىرىپتارىن توعىستىرىپ, كورەرمەندى ۆيزۋالدى جانە دىبىستىق ساياحاتقا جەتەلەيتىن كوركەمدىك وقيعا رەتىندە ۇسىنىلدى, دەپ حابارلايدى Egemen.kz.
جوبانىڭ باستاۋى
كورمە اسەل ەسجانوۆانىڭ ساۋلەتتەن كوركەمدىك پراكتيكاعا وتكەن جەتى جىلدىق شىعارماشىلىق جولىن نەگىزگە الادى. بۇل بەتبۇرىس قازاقستان ايماقتارىنا, سونىڭ ىشىندە ارال تەڭىزىنە جاسالعان ساپاردان باستاۋ العان. اۆتوردىڭ ايتۋىنشا وسى ساپارىندا ول ارحيتەكتۋرالىق شەشىمدەرمەن تۇسىندىرە المايتىن, جاڭا ماتەريالدار مەن جاڭا مەديۋمداردى قولدانۋدى قاجەت ەتكەن ەكزيستەنتسيالدى سۇراقتاردىڭ جاۋابىن تاپقان. ەكسپوزيتسيا تابيعاتپەن بايلانىستىڭ ءۇزىلۋى, تاريحي جارا مەن جادىنىڭ قايتا ءتۇزىلۋى تاقىرىپتارىن ءبىر ارناعا توعىستىراتىن جاۋاپ رەتىندە تانىستىرىلدى. «بۇل كورمە – مەنىڭ جادىمنىڭ بەينەسى.ء ار ەڭبەك جوعالعان ساباقتاستىقتى قايتا تابۋعا ۇمتىلىس», دەپ جوبا اۆتورى اسەل ەسجانوۆا كورمەنىڭ وزەگىن ءبىر اۋىز سوزبەن تۇجىرىمدادى.
بوران اتاۋىنىڭ ءمانى
جوبانىڭ اتاۋىنىڭ ءوزى ءبىر كونتسەپتسيا. «بوران»دالانىڭ قارلى داۋىلىن دا, سۋرەتشىنىڭ بالالىق شاعىندا اجەسى قويعان ەركەلەتۋ لاقاپ اتىن دا بىلدىرەدى. «بۋران» – بايقوڭىردان ۇشىرىلعان كەڭەستىك عارىش باعدارلاماسىنىڭ مادەني-تاريحي يشاراسى. تابيعات, جەكە ەستەلىك جانە تاريح تاقىرىپتارىن توعىستىرعان ءۇش ولشەم كورمە بويى ءبىر-بىرىمەن ءۇنسىز ديالوگتا بولىپ, جاڭا ماعىنا تۋدىردى.
نەگىزگى تۋىندى
ەكسپوزيتسيانىڭ جۇرەگىندە 4 مەترلىك «كەلۋ / پريبىتيە» ينستاللياتسياسى ورنالاستى. ارال تەڭىزىنەن اكەلىنگەن ەسكى قايىق بەسىك فورماسىنا كەلتىرىلىپ, كەڭىستىكتە تىك قۇرىلىم تۇزەدى. تۋىندىنىڭ ەرەكشەلىگى ونىڭ كورەرمەنگە يممەرسيۆتى مۇمكىندىكتەر ۇسىنۋىندا. ءار ادام بەسىكتىڭ ىشىنە جاتىپ, جۇمىسپەن تىكەلەي, تانيدەڭگەيدە بايلانىس ورناتا الدى. بەسىك – قامقورلىق نىشانى, قايىق – امان قالۋدىڭ كۋالىگى. ولاردىڭ بىرىگۋى ادام تىرشىلىگىنىڭ نازىكتىگىن ءتىلسىز جەتكىزدى. جوبا كۋراتورى اسەل احمەتجانوۆا: «Boran–بۋران»باقىلاۋشى مەن تۋىندى اراسىنداعى قاشىقتىقتى جويادى», دەپ جوبانىڭ كورەرمەنمەن تىكەلەي بايلانىسى تۋرالى اتاپ ءوتتى.
ينستاللياتسياعا ارنالعان ساۋند-ارتتىكومپوزيتور بەكسۇلتان باعىتجان (Jeltoksan) ازىرلەدى. دىبىستىق كومپوزيتسيادا ارال تەڭىزىنىڭ دىبىس تاسپاسى, اينالاداعى لاندشافت ءۇنى جانە سۋرەتشىنىڭ اناسى كلارا ەسجانوۆانىڭ ورىنداۋىنداعى بەسىك جىرى بىرىكتىرىلگەن. بۇل اكۋستيكالىق كەڭىستىك كورەرمەننىڭ جان دۇنيەسىن تەبىرەنتىپ, سەزىم پەرنەلەرىن ءدوپ باستى.
كورمەدەگى ماتەريالدار مەن سيمۆولدار
ەكسپوزيتسيانىڭ وزەگىن كيىز بەن اعاش قۇرادى. كيىز تەك تۇرمىستىق ماتەريال ەمەس, ۇجىمدىق جادتىڭ جانە بۋىندار اراسىنداعى بايلانىستىڭ بەلگىسى رەتىندە ۇسىنىلدى. كۇيدىرىلگەن قاراعاي مەن ارالدان الىنعان ەسكى قايىق ۋاقىت پەن كەڭىستىكتىڭ سيمۆولىنا اينالىپ, جاڭا ميفولوگيانىڭ دىڭگەگى بولدى. وسى ماتەريالدار ارقىلى اۆتور دالالىق وركەنيەتتىڭ تۇرمىسىن دا, جاراسىن دا, ءۇمىتىن دە ءبىر كەڭىستىكتە ۇستادى.
جوبانىڭ ۇيىمداستىرۋشىلارى OzgeEpic كرەاتيۆ كەڭىستىگىنىڭ ديرەكتورى, پروديۋسەر توعجان قۇرمانجانقىزى كورمە تۋراسىندا: «بۇل كورمە جان-دۇنيە ءۇنى مەن زاماناۋي ونەردىڭ توعىستىراالدى», دەپ پىكىر بىلدىرسە, OzgeEpic كرەاتيۆحابىنىڭ نەگىزىن قالاۋشى, مەديامەنەدجەر ماقپال جۇماباي: «Boran–بۋران» ءار كورەرمەنگە ءوز ىشكى تاريحىمەن بەتپە-بەت كەلۋگە مۇمكىندىك بەردى», دەپ جوبا جۇمىسىن قورىتىندىلادى.