جىلدىق ينفلياتسيا ءسال باياۋلاعانىمەن, ونىڭ تۇراقتى تۇردە تومەندەۋىنە قاتىستى ناقتى ءارى سەنىمدى بەلگىلەر بايقالماي وتىر. 2026 جىلعى قاڭتار ايىنىڭ قورىتىندىسى بويىنشا جىلدىق ينفلياتسيا ماردىمسىز عانا تومەندەپ, ءالى دە جوعارى دەڭگەيدە ساقتالدى. ال بازالىق جانە ماۋسىمدىق فاكتورلاردان تازارتىلعان ينفلياتسيا كورسەتكىشتەرىنىڭ ديناميكاسى بۇدان دا باياۋ, بۇل ينفلياتسيالىق قىسىمنىڭ ءالى دە كۇشتى ەكەنىن اڭعارتادى. سونىمەن قاتار سوڭعى ءتورت ايدا ايلىق ينفلياتسيانىڭ ۇدەۋى بايقالدى, دەپ حابارلايدى Egemen.kz.
قاڭتار ايىندا قىسقا جانە ۇزاق مەرزىمدى ينفلياتسيالىق كۇتۋلەر تومەندەگەنىمەن, حالىق اراسىندا ينفلياتسيانىڭ ءارى قاراي وسەتىنىنە قاتىستى الاڭداۋشىلىق ساقتالىپ وتىر. بۇل كۇتۋلەر قازىرگى ناقتى ينفلياتسيا دەڭگەيىنەن دە جوعارى.
وڭىرلەردە ينفلياتسيا باياۋلاعانىمەن, ازىق-ت ۇلىككە جاتپايتىن تاۋارلار قىمباتتاي ءتۇستى
ينفلياتسياعا اسەر ەتەتىن فاكتورلار ارقيلى سيپاتتا قالىپتاسقان.ءبىر جاعىنان, ۇلتتىق ۆاليۋتانىڭ نىعايۋى, فيسكالدىق ءيمپۋلستىڭ تومەندەۋى جانە الەمدىك ازىق-ت ۇلىك ينفلياتسياسىنىڭ باسەڭدەۋى وڭ نىشان رەتىندە كورىنىس تاۋىپ وتىر. ەكىنشى جاعىنان, رەسەيدەگى ينفلياتسيانىڭ جەدەلدەۋى جانە وتكەن جىلدىڭ سوڭىندا اقشا ماسساسىنىڭ كۇرت ءوسۋى باعانىڭ كوتەرىلۋىنە تۇرتكى بولاتىن نەگىزگى فاكتورلار بولىپ سانالادى.
تەڭگەنىڭ نىعايۋى ىشكى ۆاليۋتا نارىعىنداعى ساۋدا-ساتتىق كولەمىنىڭ تومەندەۋىمەن قاتار ءجۇردى. سونىمەن قاتار ۇلتتىق بانك پەن كۆازيمەملەكەتتىك كومپانيالار تاراپىنان شەتەلدىك ۆاليۋتانى ساتۋدىڭ سالىستىرمالى كولەمى وتكەن جىلعى كورسەتكىشتەرمەن سالىستىرعاندا ايتارلىقتاي قىسقارعان.ينفلياتسيامەن كۇرەس: ۇكىمەتتىڭ نەگىزگى قادامدارى قانداي؟
2025 جىل بويى بايقالعان التىن-ۆاليۋتا پورتفەلى قۇرىلىمىنىڭ كەزەڭ-كەزەڭىمەن وزگەرۋ پروتسەسى ءالى دە جالعاسىپ جاتىر. حالىقارالىق رەزەرۆتەردەگى التىن ۇلەسىنىڭ ارتۋى ونىڭ فيزيكالىق كولەمىنىڭ مولايۋىمەن دە, باعاسىنىڭ وسۋىمەن دە بايلانىستى. بۇل ءۇردىس شەتەل ۆاليۋتاسىندا ساقتالعان رەزەرۆتەر ۇلەسىنىڭ ازايۋىمەن قاتار ءجۇرىپ جاتىر.