الماتىداعى ۇلتتىق ورتالىق مۋزەيدە قازاق كسر-ءنىڭ حالىق ءارتىسى, اكتەر, وپەرا ءانشىسى كاۋكەن كەنجەتاەۆتىڭ 110 جىلدىعىنا جانە قازاقستاننىڭ ەڭبەك سىڭىرگەن ءارتىسى, كينواكتەر مەڭتاي وتەپبەرگەنوۆتىڭ 80 جىلدىعىنا ارنالعان « ۇلى مۇرا – ۇرپاققا وسيەت» اتتى تاعىلىمدى كورمە اشىلدى, دەپ حابارلايدى Egemen.kz.
كورمەنىڭ اشىلۋ سالتاناتىندا «كاۋكەن كەنجەتاەۆ» اتتى كىتاپتىڭ تۇساۋكەسەرى ءوتتى. ارحيۆتىك دەرەكتەرگە نەگىزدەلگەن بۇل ەڭبەك ونەر يەسىنىڭ شىعارماشىلىق جولىن, ءومىر بەلەستەرىن جانە ۇلتتىق مادەنيەتكە قوسقان ۇلەسىن جان-جاقتى سارالايدى.
كورمە اياسىندا مەڭتاي وتەپبەرگەنوۆتىڭ جەكە قورىنان الىنعان, بۇعان دەيىن كوپشىلىككە ۇسىنىلماعان سيرەك جادىگەرلەر قويىلدى. اكتەر تەك ساحنا مەن ەكران شەبەرى عانا ەمەس, سونىمەن قاتار كوللەكتسيونەر ءارى فيلاتەليست رەتىندە دە تانىلعان.
ەكسپوزيتسيادا 1931-1970 جىلدار ارالىعىندا جارىق كورگەن 200-گە جۋىق كينو افيشالار ۇسىنىلدى. بۇل پلاكاتتار كەڭەستىك كەزەڭدەگى كينو ونەرىنىڭ كوركەمدىك ءستيلىن, يدەولوگيالىق باعىتىن جانە گرافيكالىق ديزاين ەرەكشەلىكتەرىن ايقىن كورسەتەدى.
قوستانايدا اۋىلشارۋاشىلىق تەحنيكالارىنىڭ كورمەسى ءوتتى
سونىمەن قاتار 1932-1990 جىلدارى شىعارىلعان كينو جانە فوتوكامەرالاردىڭ بىرەگەي ۇلگىلەرى, كەڭەستىك ەكران جۇلدىزدارى بەينەلەنگەن اشىق حاتتار, كينو جۋرنالدارى مەن فوتوماتەريالدار دا كورمە مازمۇنىن تولىقتىردى.
ءىس-شاراعا قازاقستاننىڭ حالىق ءارتىسى, مەملەكەتتىك سىيلىقتىڭ يەگەرى دوسحان جولجاقسىنوۆ, شاكەن ايمانوۆ اتىنداعى «قازاقفيلم» اق ۇلتتىق كينوستۋدياسى پرەزيدەنتىنىڭ مىندەتىن اتقارۋشى ايدار ورازبەك ۇلى, كينورەجيسسەر, اكتەر, ستسەناريست سەرىكبول مەڭتاي ۇلى, سونداي-اق سۋرەتشى-ديزاينەر اسەل كەنجەتاەۆا قاتىسىپ, قازاق كينو ونەرىنىڭ كوركەمدىك الەمى مەن ەستەتيكالىق قۇندىلىعى تۋرالى وي ءبولىستى.
ۇلتتىق ورتالىق مۋزەيدە «التىن وردا» جاڭا كورمە زالى اشىلادى
كەش بارىسىندا اباي اتىنداعى قازاق ۇلتتىق وپەرا جانە بالەت تەاترى ارتىستەرى ونەر كورسەتىپ, رۋحاني كەشتىڭ مازمۇنىن ايشىقتاي ءتۇستى.
سالتاناتتى كەشتىڭ قورىتىندىسىندا قازاق كينوسىنىڭ التىن قورىنا ەنگەن, كاۋكەن كەنجەتاەۆ قاتىسقان «گاۋھار تاس» ءفيلمىنىڭ وڭدەۋدەن وتكەن, جاڭارتىلعان نۇسقاسى العاش رەت كورەرمەنگە ۇسىنىلدى. سونىمەن قاتار مەڭتاي وتەپبەرگەنوۆ باستى ءرولدى سومداعان «ستراننىي مير جەلاني ي نادەجد» ءفيلمى كورسەتىلدى.
جىلجىمالى كىتاپ كورمەسىنە قانداي شىعارمالار ۇسىنىلدى؟