جەتىسۋ وبلىستىق سوتىندا ايزات جۇمانوۆانى ءولتىرۋ ءىسى بويىنشا اپەللياتسيالىق شاعىمدى قاراۋ اياقتالدى. سوت القاسى ءبىرىنشى ساتىداعى سوتتىڭ ۇكىمىن وزگەرىسسىز قالدىردى, دەپ حابارلايدى Egemen.kz.
وتىرىس بارىسىندا جابىرلەنۋشى تاراپتىڭ ادۆوكاتى ارمان ءشارىپوۆ سوتتالۋشى ايبار جانبولاتتىڭ ارەكەتىن قىلمىستىق كودەكستىڭ 99-بابى 2-بولىگىنە قايتا سارالاۋدى سۇرادى.
الايدا قورعاۋ تاراپى وزگە ۇستانىمدا بولدى.
«قورعاۋىمداعى ازاماتتىڭ ارەكەتىن جەڭىلىرەك, ياعني قر قك-ءنىڭ 106-بابى 3-بولىگىنە قايتا سارالاپ, زاڭ اياسىندا جازا تاعايىنداۋدى سۇرايمىن. سەبەبى سوتتالۋشىنىڭ كىسى ولتىرۋگە نيەتى بولماعان, ءولىم ابايسىزدا ورىن العان», دەدى جانات ساركىتوۆ.
سۋديا ايدىن جۇرحانوۆتىڭ تۇسىندىرۋىنشە, قولدانىستاعى زاڭناما اپەللياتسيا ساتىسىندا ءىستى قوسىمشا تەرگەۋگە قايتارۋدى قاراستىرمايدى.
«اپەللياتسيالىق ساتىداعى سوت ءىستى تاعىلعان باپ شەڭبەرىندە قارايدى. ءىس ماتەريالدارى قر قىلمىستىق كودەكسىنىڭ 99-بابى 1-بولىگىنە تولىق سايكەس كەلەدى», دەپ اتاپ ءوتتى سۋديا.
ول اتالعان باپتىڭ سانكتسياسى جەتى جىلدان 15 جىلعا دەيىن باس بوستاندىعىنان ايىرۋ جازاسىن كوزدەيتىنىن قوستى. سوتتالۋشى بۇرىن سوتتالماعانىن ەسكەرە وتىرىپ, وعان 14 جىل باس بوستاندىعىنان ايىرۋ جازاسى تاعايىندالدى.
تالدىقورعاندا ايزات جۇمانوۆانى ولتىرگەن كۇيەۋىنە ۇكىم كەسىلدى
سونىمەن قاتار, اپەللياتسيالىق القا جابىرلەنۋشى تاراپتىڭ پايداسىنا مورالدىق زياندى ءوندىرۋ تۋرالى شەشىمدى دە وزگەرىسسىز قالدىردى.
ايزات جۇمانوۆانىڭ ولىمىنە قاتىستى سوت: پروكۋرور ايىپتاۋ اكتىسىن جاريالادى