ميسسيا جەتەكشىسىمەن كەزدەستى

كەشە قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ قازاقستان رەس­پۋب­ليكاسىنىڭ كەزەكتەن تىس پرەزيدەنتتىك سايلاۋىن باقىلاۋ ءجو­نىن­دەگى ەقىۇ ميسسياسىنىڭ ۇيلەستىرۋشىسى, ەقىۇ پارلامەنتتىك اسسامبلەياسىنىڭ بايقاۋشىلار دەلەگاتسياسىنىڭ جەتەكشىسى تونينو پيتسۋلامەن كەزدەستى. كەزدەسۋدە ق.ساۋداباەۆ ەقىۇ پا مۇشە مەملەكەتتەردىڭ ارا­سىن­داعى قارقىندى دامىپ كەلە جاتقان ءوزارا تۇسىنىستىك پەن ىن­تىماقتاستىقتى ايتا كەلىپ, ءوت­كەن جىلعى ەقىۇ-داعى توراعا­لى­عى كەزىندە ەلىمىزدىڭ باستا­ما­لا­رىنا بارىنشا قولداۋ كور­سەت­كەنى ءۇشىن جانە ەكى جاقتى ءمۇد­دەلى بايلانىس ورناتۋعا ءجار­دەم­دەسكەنى ءۇشىن العىسىن ءبىلدىردى. ءوز كەزەگىندە ت.پيتسۋلا بىل­تىر­عى قازاقستاننىڭ ەقىۇ-داعى توراعالىعى تابىستى بولعا­نىن, الدا كەلە جاتقان كەزەكتەن تىس پرەزيدەنتتىك سايلاۋدىڭ دا ءتيىستى دەڭگەيدە وتەتىنىنە سەنىمدى ەكەنىن ايتتى. سونىمەن بىرگە, مەيمان پرەزيدەنتتىكتەن ءۇمىت­كەر­لەردىڭ ۇگىت-ناسيحات جۇمىس­تارىنا توقتالىپ, ولاردىڭ ساي­لاۋعا دايىندىعىنا, حالىق ارا­سىندا سايلاۋ ناۋقانىن اشىق جانە ءمولدىر وتكىزىپ جاتقانىنا جوعارى باعا بەردى. وسى رەتتە ق.ساۋداباەۆ مەي­ماندى پرەزيدەنتتىك سايلاۋعا داي­ىندىق بارىسىمەن تانىس­تى­­رىپ, ونىڭ حالىقارالىق تا­لاپ­تار­عا ساي اشىق, ءادىل تۇردە وتە­تى­نىنە سەنىمى زور ەكەنىن ءبىلدىردى. داستان كەنجالين.