كەشە قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى ت.س.دوناقوۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى قۇقىقتىق ساياسات جونىندەگى كەڭەستىڭ كەزەكتى وتىرىسى بولىپ ءوتتى.
كەڭەستىڭ وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردىڭ قىلمىستىق جاۋاپكەرشىلىگىن ەنگىزۋ ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭنىڭ جوباسىنا قاتىستى ماسەلە قارالدى.
سونداي-اق قىلمىستىق ىستەر بويىنشا سوتقا دەيىنگى ءىس ءجۇرگىزۋدى ءارى قاراي جەتىلدىرۋ ءجونىندەگى شارالار تۋرالى ماسەلە قاراستىرىلدى.
اتالعان ماسەلەلەر بويىنشا ەكونوميكالىق جانە سىبايلاس جەمقورلىقپەن كۇرەس اگەنتتىگىنىڭ جانە پارلامەنت ءماجىلىسىنىڭ زاڭناما جانە سوت-قۇقىقتىق رەفورما جونىندەگى كوميتەتىنىڭ, سونداي-اق قازاقستان رەسپۋبليكاسى باس پروكۋراتۋراسىنىڭ اقپاراتتارى تىڭدالدى.
قۇقىقتىق ساياسات جونىندەگى كەڭەستىڭ وتكىزگەن وتىرىسىنىڭ ۇسىنىستارى قازاقستان رەسپۋبليكاسىنداعى زاڭنامانى جانە قۇقىق قولدانۋ قىزمەتىن ءارى قاراي جەتىلدىرۋدە ەسكەرىلەتىن بولادى, دەپ حابارلادى قازاقستان رەسپۋبليكاسى پرەزيدەنتىنىڭ اكىمشىلىگى مەملەكەتتىك-قۇقىق ءبولىمى.