وسكەمەندە قازاقستان رەسپۋبليكاسى پرەزيدەنتتىگىنە كانديدات, «تابيعات» ەكولوگيالىق وداعىنىڭ توراعاسى مەلس ەلەۋسىزوۆتى جاقتاۋشىلار اكتسيا وتكىزدى. وندا الەۋمەتتىك زەرتتەۋ ءجۇرگىزۋشىلەر حالىقتى «ەكولوگيانىڭ وسكەمەن قالاسىنداعى ورنى» تۋرالى ساۋالداماعا تارتتى. جاۋاپ بەرگەن 500 رەسپوندەنتتىڭ بارلىعىنىڭ جاۋابى ءبىر جەردەن شىقتى. ولار ەكولوگيانى جاقسارتۋ ءۇشىن تازارتۋ قوندىرعىلارىن ورناتىپ, اعاشتار وتىرعىزىپ, يادرولىق قالدىقتار ساقتايتىن بانك قۇرماي, زارداپ شەككەندەرگە وتەماقى تولەۋ قاجەت, جالپى ەكولوگيانى تۇزەۋ ءۇشىن قارجىلىق قولداۋدى كۇشەيتۋ كەرەك, دەيدى.
اكتسيانى جۇرگىزۋشى «تابيعات» ەكولوگيالىق وداعى ءبۇگىنگى قوعام ەرتەڭگى ءىزباسارلارىنا تازا تابيعات قالدىرۋى ءتيىس. ال زەرتتەۋ جۇرگىزۋىمىزدىڭ سەبەبى – قالاداعى ەكولوگيالىق جاعدايعا قوعامدىق تابيعات قورعاۋ ۇيىمدارىنىڭ تيگىزەر اسەرىن ءبىلۋ جانە وسكەمەندەگى ەكولوگيالىق جاعدايدى جاقسارتۋعا قاجەتتى ۇسىنىمداردى ازىرلەۋ, دەيدى ۇيىمداستىرۋشىلار.
وڭداسىن ەلۋباي.
وسكەمەن.