قازاقستاندا بالالاردىڭ قۇقىقتارىن قورعاۋعا ارنالعان "111" بايلانىس ورتالىعى جۇمىس ىستەي باستادى. كەز كەلگەن بالا اتالعان تەلەفون نومىرىنە xابارلاسىپ, ءوز قۇقىقتارىنىڭ بۇزىلعانى تۋرالى ارىز تۇسىرە الادى, دەپ xابارلايدى قازاقپارات.
بايلانىس ورتالىعى كۇنى-ءتۇنى جۇمىس ىستەيدى. بالالار قۇقىقتارىن قورعاۋ جونىندەگى ۋاكىل زاعيپا باليەۆانىڭ ايتۋىنشا, بىردە-ءبىر بالانىڭ ارىز-شاعىمى نازاردان تىس قالمايدى.
"قاراشانىڭ 20-سىنان باستاپ جەلتوقساننىڭ 1-ىنە دەيىن بايلانىس ورتالىعى تەستتىك رەجيمدە جۇمىس ىستەيدى. وعان xابارلاسقان بالانىڭ ەسىمى قۇپيادا ساقتالادى. ءبىز بولساق, ءتيىستى شارالاردى قولعا الاتىن بولامىز. سوندىقتان بارلىقتارىڭىز دايىن بولىڭىزدار. بىراق ول شارالار ەۋروپادا سياقتى بولادى, بالانى الىپ كەتەدى دە, بارىنە ايىپپۇل سالادى دەپ, بايبالام سالۋدىڭ قاجەتى جوق. ءبىز بالانىڭ قۇقىقتارىن قورعاي وتىرىپ, ونىڭ ءتيىستى مىندەتتەرى دە بار ەكەنىن تۇسىندىرەتىن بولامىز. 18 جاسقا ونىڭ تولىققاندى قۇقىقتارىمەن بىرگە تولىققاندى مىندەتتەرى دە بولاتىنىن جەتكىزۋىمىز كەرەك", - دەيدى ز.باليەۆا.
ونىڭ ايتۋىنشا, بايلانىس ورتالىعىندا جۇمىس ىستەيتىن پسيxولوگتار مەن وپەراتورلار ارنايى دايىندىقتان وتكەن بولاتىن.