تۇركيا پرەزيدەنتى رەجەپ تايىپ ەردوعان تۇركيانىڭ ەۋروپالىق وداققا ەمەس شانحاي ىنتىماستىعى ۇيىمىنا كىرۋى مۇمكىن ەكەنىن ايتتى. بۇل تۋرالى ۆۆس Hurriyet گازەتىنە سىلتەمە جاساپ حابارلادى.
«تۇركيا ءۇشىن ەۋروپالىق وداققا ۇمتىلا بەرۋدىڭ ەش قاجەتى جوق. سەبەبى, ول رەسەي, قىتاي, قازاقستان, تاجىكستان, قىرعىزستان جانە وزبەكستان كىرەتىن شانحاي وداقتاستىعى ۇيىمىنىڭ مۇشەسى بولا الادى.
تۇركيا سابىرعا كەلۋى كەلۋى ءتيىس. «قايتسەك تە ەۋروپالىق وداققا كىرەمىز» دەۋ قاجەت ەمەس. مەنىڭ پىكىرىم – وسى. نەگە تۇركياعا شانحاي بەستىگىنە كىرمەسكە؟ مەن مۇنى رەسەي پرەزيدەنتى پۋتينگە جانە قازاقستان پرەزيدەنتى نازارباەۆقا ايتتىم» دەگەن ەردوعان.
تۇركيانىڭ شانحاي ۇيىمىنا كىرۋى باتىسقا جانە انكارانىڭ ناتو-داعى وداقتاستارىنا مازاسىزدىق اكەلۋى ءتيىس دەيدى ۆۆس. تۇركيا 2013 جىلى شانحاي ۇيىمىندا باقىلاۋشى مارتەبەسىن العان بولاتىن.
ەردوعان جاقىندا تۇركيانىڭ ەۋرووداققا مۇشەلىگى تۋرالى رەفەرەندۋم 2017 جىلى ءوتۋى مۇمكىن ەكەنىن ايتقان-دى.
تۇركيا ەۋروپالىق وداققا كىرۋ جولىندا 11 جىلدان بەرى كەلىسسوز جۇرگىزىپ كەلەدى, بىراق ونىڭ اتالعان بىرلەستىككە مۇشەلىگى ماسەلەسى ءالى بەلگىسىز بولىپ وتىر.