فۋتبولدان "استانا" مەن "قايرات" كوماندالارى اراسىندا قازىر عانا اياقتالعان قازاقستان كۋبوگىنىڭ فينالدىق ماتچى قار باسىپ قالعان الاڭدا ءوتتى. قاردىڭ تولاسسىز جاۋعانىنا قاراماستان, كەزدەسۋ سوڭىنا دەيىن وينالدى. اپپاق قار باسقان الاڭدا كوماندالاردىڭ ءبىرى اپپاق فورمامەن وينادى. "بۇل حوككەيگە ۇقساس ماتچ بولدى" دەدى ويىننىڭ كوممەنتاتورى.
ءبىر ايتا كەتەرلىگى, ءبىرىنشى تايم اياقتالعان كەزدەگى ۇزىلىستە ارنايى تەحنيكا قاردى كۇرەۋ جۇمىستارىن جۇرگىزدى. بىراق ۋاقىت تاپشى بولعاندىقتان, تەك "استانا" كومانداسىنىڭ ايىپ الاڭىن تازالاپ ۇلگەردى. قارسى كوماندانىڭ دا الاڭىن تازالاۋدى سۇراعان ستانيمير ستويلوۆ پەن ەلوردالىق كلۋب فۋتبولشىلارىنىڭ ءوتىنىشى قابىل بولمادى.
ەكىنشى تايم ون بەس مينۋتقا كەشىگىپ باستالىپ, بار بولعانى بىرنەشە مينۋتتا "استانا" كومانداسى ەسەپ اشتى. كەزدەسۋ 1-0 ەسەبىمەن اياقتالىپ, كۋبوكتى "استانا" كومانداسى يەلەندى.