بەيسەنبى, 3 قاراشا كۇنى قازاقستان تەرريتورياسىنىڭ باسىم بولىگىندە تۇراقسىز اۋا رايى ساقتالادى, كەي جەرلەردە جاۋىن-شاشىن بولادى, تەك باتىستا جاۋىن-شاشىنسىز كۇن رايى كۇتىلەدى. جەكەلەگەن اۋماقتاردا تۇمان, كوكتايعاق بولادى, جەل 15-25 م/س-تى قۇرايدى. سولتۇستىكتە جاياۋ بۇرقاسىن جۇرەدى. وڭتۇستىكتە كەي جەرلەردە نايزاعاي وينايدى, دەپ حابارلايدى egemen.kz "قازگيدرومەتكە" سىلتەمە جاساپ.
وڭتۇستىك قازاقستان وبلىسىنىڭ كەي جەرلەرىندە - تۇمان, 15-20 م/س ەكپىنمەن سوققان جەل 23 م/س-قا دەيىن كۇشەيەدى. جامبىل وبلىسىنىڭ كەي اۋماقتارىندا جەلدىڭ جىلدامدىعى 15-20 م/س-تان 23 م/س-قا ارتادى.
الماتى وبلىسىنىڭ جالاناشكول اۋدانىندا جەل 20-25 م/س كۇشەيەدى. اقمولا, پاۆلودار وبلىستارىندا تۇمان, كوكتايعاق بولادى, جەلدىڭ ەكپىنى 15-20 م/س بولادى.
قاراعاندى وبلىسىنىڭ كەي جەرلەرىندە تۇمان, كوكتايعاق, كۇندىز جەلدىڭ ەكپىنى 15-20 م/س قۇرايدى. قىزىلوردا وبلىسىنىڭ كەي جەرلەرىندە نايزاعاي كۇتىلەدى, تۇمان بولادى, جەل 15-20 م/س كۇشەيەدى.
سولتۇستىك قازاقستان وبلىسىنىڭ كەي اۋماقتارىندا جاياۋ بۇرقاسىن ءجۇرىپ, جەلدىڭ جىلدامدىعى 15-25 م/س ارتادى. شىعىس قازاقستان وبلىسىنىڭ جەكەلەگەن جەرلەرىندە تۇمان كۇتىلەدى, جەل 15-20 م/س كۇشەيەدى. باتىس قازاقستان, قوستاناي, تۇندە ماڭعىستاۋ وبلىستارىنىڭ كەي جەرلەرىندە تۇمان, كوكتايعاق بولادى. اتىراۋ وبلىسىنىڭ كەي جەرلەرىندە تۇمان بولجانادى.