2002
* 1 قاڭتاردا مەملەكەت باسشىسى نۇرسۇلتان نازارباەۆتىڭ قازاقستان حالقىنا ارناعان جاڭاجىلدىق قۇتتىقتاۋى «ەگەمەن قازاقستان» گازەتىندە جاريالاندى. ەلباسى قۇتتىقتاۋىندا: «حالقىمىزدىڭ بولاشاققا دەگەن سەنىمى مەن سەزىمى كۇن ساناپ كۇشەيىپ كەلە جاتقانى مەن ءۇشىن ەرەكشە ىستىق. حالىق ىقىلاسىنان ىستىق نە بار؟» – دەپ جازىلدى.
* 22 قاڭتاردا پرەزيدەنت ن.ءا. نازارباەۆ ەۋرازيالىق ەكونوميكالىق قاۋىمداستىقتىڭ باس حاتشىسى گريگوري راپوتامەن كەزدەستى. باسقوسۋ بارىسىندا ەۋرازەق قىزمەتىنە بايلانىستى بىرقاتار ستراتەگيالىق ماسەلەلەر تالقىلاندى.
* 26 قاڭتاردا استانادا ەل ءومىرىنىڭ كەلەلى ماسەلەلەرىن تالقىلاعان القالى كەڭەس وتكىزىلدى. پارلامەنتتىڭ جانە ۇكىمەتتىڭ باسشىلارى مەن مۇشەلەرى, بارلىق دەڭگەيدەگى اكىمدەر, قۇقىق قورعاۋ ورگاندارىنىڭ قىزمەتكەرلەرى قاتىسقان جيىندا ەلباسى نۇرسۇلتان نازارباەۆ ءسوز سويلەپ, وتكەن جىلدىڭ ەكونوميكالىق كورسەتكىشتەرى نەگىزىنەن العاندا جامان ەمەس دەگەن باعا بەردى. «كوپتەگەن سالالار تىعىرىقتان شىعىپ, دامۋ بەلەسىنە اياق باستى, جالپى العاندا ەكونوميكامىزدىڭ وركەندەۋ ءۇردىسىن ورنىقتىرا تۇستىك. كوپتەگەن كاسىپورىندار قالپىنا كەلتىرىلدى, جاڭادان جۇمىس ورىندارى اشىلدى, قالالار مەن اۋدان ورتالىقتارىن, سەلولاردى كوركەيتۋ جونىندە قىرۋار جۇمىس اتقارىلدى», دەدى ەلباسى.
* 11-14 اقپان ارالىعىندا ەلباسى نۇرسۇلتان نازارباەۆتىڭ ۇندىستانعا رەسمي ساپارى بولىپ ءوتتى. ەلباسى ءۇندىستان رەسپۋبليكاسىنىڭ پرەزيدەنتى كوچەريل رامان نارايانمەن, پرەمەر-مينيستر اتال بيحاري ۆادجپايمەن كەزدەستى. ەكى ەل جەتەكشىلەرىنىڭ سۇحباتتاسۋىندا حالىقارالىق جاعدايدىڭ كوكەيكەستى ماسەلەلەرى, الەمگە تونگەن جاڭا قاۋىپ – تەرروريزممەن كۇرەسۋ, ونىڭ بەلەڭ الۋىنا جول بەرمەۋ شارالارى تالقىلاندى, سونداي-اق, ساۋدا-ەكونوميكالىق, مادەني-عىلىمي بايلانىستاردى ودان ءارى تەرەڭدەتىپ, دامىتۋعا باسا ءمان بەرىلدى. ساپار شەڭبەرىندە نۇرسۇلتان نازارباەۆ دەليدەگى اباي اتىنداعى كوشەنىڭ اشىلۋ سالتاناتىنا قاتىستى.
*28 اقپاندا الماتىدا ورتالىق ازيا مەملەكەتتەرى – قازاقستان, قىرعىزستان, تاجىكستان جانە وزبەكستان پرەزيدەنتتەرى ورتالىق ازيا ىنتىماقتاستىق ۇيىمىنىڭ قۇرىلۋى تۋرالى شارتقا قول قويدى. قۇجاتقا قول قويىلعاننان كەيىن جۋرناليستەرگە بەرگەن سۇحباتىندا ەلباسى نۇرسۇلتان نازارباەۆ تورتكۇل دۇنيەدە ادام بالاسىنىڭ تاڭىردەن تىلەيتىن تىنىشتىعى ءۇشىن جانە مەملەكەتتىڭ تۇراقتىلىعىنا قاۋىپ توندىرەتىن كەز كەلگەن ارەكەتتەر مەن قۇبىلىستارعا قارسى تۇرۋ ءۇشىن كۇش بىرىكتىرۋدىڭ ماڭىزدىلىعىنا ەكپىن بەردى.
*7 ناۋرىزدا پرەزيدەنت ن.ءا.نازارباەۆ «قازاقستان رەسپۋبليكاسىنىڭ ديپلوماتيالىق قىزمەتى تۋرالى» زاڭعا قول قويدى.
*18 ناۋرىزدا ەلباسى نۇرسۇلتان نازارباەۆ «قازاقستان رەسپۋبليكاسىنىڭ ادىلەت ورگاندارى تۋرالى» زاڭعا قول قويدى.
* 29 ناۋرىزدا استانادا پرەزيدەنت نۇرسۇلتان نازارباەۆ-
تىڭ قاتىسۋىمەن قۇقىق قورعاۋ ورگاندارىنىڭ رەسپۋبليكالىق كەڭەسى بولدى. كەڭەستە ەلباسى ءسوز سويلەدى. «ءبىز ءوز قوعامىمىزداعى تۇراقتىلىقتى زاڭدى تۇردە ماقتان ەتەمىز. بۇل مەملەكەت قۇرىلىسىندا سونىڭ ەسەبىنەن تابىسقا قول جەتكىزىلگەن ەڭ باستى نارسە. ناق سوندىقتان دا ينۆەستيتسيالار كەلىپ جاتىر, ەلىمىز دامۋدا», دەدى قازاقستان پرەزيدەنتى.
* 7 ساۋىردە الماتىدا مەملەكەت باسشىسى ن.ءا.نازارباەۆتىڭ دۇنيەجۇزىلىك بانك پرەزيدەنتى دج.ۆۋللفەنسونمەن كەزدەسۋى بولدى. تاراپتار الداعى ۋاقىتتا قازاقستان مەن دۇنيەجۇزىلىك بانك اراسىنداعى ءوزارا بايلانىستىڭ تەرەڭدەي تۇسەتىنىنە سەنىم ءبىلدىردى.
* 8-9 ءساۋىر كۇندەرى الماتىدا داۆوستاعى دۇنيەجۇزىلىك ەكونوميكالىق فورۋمنىڭ ءبىر بولىگى بولىپ تابىلاتىن «ەۋرازيالىق ەكونوميكالىق سامميت-2002» جيىنى بولىپ ءوتتى. وندا ەلباسى نۇرسۇلتان نازارباەۆ ءسوز سويلەدى. سونداي-اق, سامميت اياسىندا مەملەكەت باسشىسى ن.ءا.نازارباەۆ ۋكراينا پرەمەر-ءمينيسترى ا.كيناحپەن, يراننىڭ ءبىرىنشى ۆيتسە-پرەزيدەنتى موحامەد رەزا ارەفپەن, يسلام دامۋ بانكىنىڭ پرەزيدەنتى احماد موحامەد اليمەن جانە ەكونوميكالىق ىنتىماقتاستىق ۇيىمىنىڭ ديرەكتورى ابدولراحيم گاۆاحيمەن كەزدەستى.
*19 ساۋىردە استانادا ەلباسى ن.ءا.نازارباەۆتىڭ قازاقستانعا رەسمي ساپارمەن كەلگەن حورۆاتيا پرەزيدەنتى س.مەسيچپەن كەزدەسۋى بولدى. كەلىسسوزدەر بارىسىندا تاراپتار مۇناي سالاسىنداعى ىنتىماقتاستىق ماسەلەلەرىنە باسا نازار اۋداردى. سونداي-اق, مەملەكەتتەر باسشىلارى ءوز ايماقتارىنداعى ينتەگراتسيا ماسەلەلەرىندە – ورتالىق ازيا مەن بالقان تۇبەگىندە – قازاقستان مەن حورۆاتيانىڭ سىرتقى ساياسي ۇستانىمدارى سايكەس كەلەتىندىگىنە قاناعاتتاناتىندىقتارىن ءبىلدىردى.
* 24 ساۋىردە يران يسلام رەسپۋبليكاسىنىڭ پرەزيدەنتى موحامماد حاتامي قازاقستانعا رەسمي ساپارمەن كەلدى. ەكىجاقتى كەزدەسۋ بارىسىندا ەلباسى نۇرسۇلتان نازارباەۆ پەن موحامماد حاتامي قازاقستان مەن يران اراسىنداعى دوستىق قارىم-قاتىناستار تۋرالى دەكلاراتسياعا قول قويدى.
*25 ساۋىردە الماتىدا ءى ەۋرازيالىق مەديا-فورۋم ءوز جۇمىسىن باستادى. وندا ەلباسى نۇرسۇلتان نازارباەۆ ءسوز سويلەدى. بۇل تۋرالى «ەگەمەن قازاقستان» گازەتىنىڭ 26 ءساۋىر كۇنگى نومىرىندە «ءححى عاسىر – بۇل ەۋرازيانىڭ قاۋىرت دامۋ عاسىرى بولادى» تاقىرىبىمەن ماقالا جاريالاندى.
*28 ساۋىردە ن.ءا. نازارباەۆ اقش قورعانىس ءمينيسترى د.رامسفەلدتى قابىلدادى. ەكى جاق حالىقارالىق لاڭكەستىككە قارسى كۇرەسۋدەگى ىنتىماقتاستىق تاقىرىبىن تالقىلادى.
*13 مامىردا ماسكەۋدە ەۋرازيالىق ەكونوميكالىق قاۋىمداستىقتىڭ مەملەكەتارالىق كەڭەسىنىڭ كەزەكتى ءماجىلىسى ءوتتى. جيىن بارىسىندا قازاقستان پرەزيدەنتى ن.ءا.نازارباەۆ پەن رەسەي باسشىسى ۆ.ۆ.ءپۋتيننىڭ كەزدەسۋى بولدى. تاراپتار قازاقستان مەن رەسەي اراسىندا كاسپي تەڭىزىنىڭ سولتۇستىك بولىگى قايراڭىن ءبولۋ تۋرلى كەلىسىمگە قول قويدى.
*22-23 مامىر كۇندەرى پرەزيدەنت نۇرسۇلتان نازارباەۆ رەسمي ساپارمەن سلوۆەنيادا بولىپ, وسى ەلدىڭ باسشىسى ميلان كۋچانمەن كەزدەستى. سونداي-اق, ساپار بارىسىندا ەلباسى سلوۆەنيانىڭ پرەمەر-ءمينيسترى يانەز درنوۆشەكپەن اڭگىمەلەستى. يا.درنوۆشەك قازاقستان پرەزيدەنتىنە «سلوۆەنيا رەسپۋبليكاسى ازاتتىعىنىڭ قۇرمەتتى التىن وردەنىن» تاپسىردى.
*24-25 مامىر كۇندەرى پرەزيدەنت نۇرسۇلتان نازارباەۆتىڭ پولشادا رەسمي ساپارى ءوتتى. ن.ءا.نازارباەۆ پولشا پرەزيدەنتى ا.كۆاسنەۆسكيمەن كەزدەستى. مەملەكەتتەر باسشىلارى ساۋدا-ەكونوميكالىق جانە مادەني ىنتىماقتاستىق ماسەلەلەرىن تالقىلادى.