قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي 1-5 قاراشا كۇندەرى ستەپنوگورسك قالاسىندا حىى ۇلتتىق دەلفي ويىندارى وتەدى. دەلفي ويىندارى – تالاي جاس تالانتاردى ءبىر ارناعا توعىستىرىپ, كلاسسيكادان باستاپ قازىرگى زامانعا دەيىنگى ونەردىڭ بارلىق ءتۇرىن قامتيتىن بايقاۋ. بايقاۋ ماقسات – تالانتتى جاستاردى ناسيحاتتاۋ, مادەني الەۋەتتى ساقتاپ, دامىتۋ, مادەنيەت پەن ونەردىڭ وزىق ۇلگىلەرىندە تاربيەلەۋ, جاستار شىعارماشىلىق ۇجىمدارىنىڭ كاسىبي دەڭگەيلەرىن ارتتىرۋ. اتالمىش جارىسقا جاستار 19 اتالىم بويىنشا سىنعا تۇسەدى. ولار: فورتەپيانو, سكريپكا, بايان/ اككوردەون, ۇلتتىق اسپاپتار (دومبىرا, پريما-قوبىز, قىل-قوبىز), اكادەميالىق ءان ايتۋ, ءداستۇرلى ءان ايتۋ, حالىق ءبيى, زاماناۋي بي, فوتوسۋرەت, تەلەجۋرناليستيكا, قىسقامەتراجدى كينو-بەينەروليكتەر, ونەرتاپقىش, كيىم ديزاينى, ساندىك-قولدانبالى ونەر, ىممەن ءان ورىنداۋ شەبەرلىگى, دي-دجەي.
دەلفيلىك ويىندار ءبىزدىڭ ەرامىزعا دەيىن, 582 جىلى وۆيديا جانە پلۋتارحا زامانىندا باستالعان. بۇل ەجەلگى ۇلى انتيكالىق بايگەلەردىڭ شىعۋ تەگى مەن دامۋىنا انىق جاۋاپ جوق. دەگەنمەن, 1600 جىل بۇرىن بۇل ويىننىڭ وتكىزىلۋىنە تىيىم سالىنعان. جۇزدەگەن جىلداردى ارتقا تاستاپ قانا ەجەلگى ءداستۇر جاڭارىپ ويىن قايتا گرەكيا مەملەكەتىندە وتە باستادى.
دەلفي ويىندارىنىڭ جاڭا كەزەڭى 1994 جىلى حالىقارالىق دەلفيلىك كەڭەس قۇرىلعان كەزدە باستالدى. 19 ەلدىڭ وكىلدەرى شتاب – پاتەرى بەرليندە ورنالاسقان, حالىقارالىق ۇكىمەتتىك ەمەس ۇيىم اشۋدى شەشتى. كەيىنگى جىلدارى الەمنىڭ كوپتەگەن ەلدەرىندە ۇلتتىق دەلفيلىك كەڭەستەر قۇرىلدى. ال, 2000 جىلى 27 مەملەكەتتىڭ وكىلدەرىنىڭ قاتىسۋىمەن ماسكەۋ قالاسىندا ءبىرىنشى بۇكىلالەمدىك دەلفي ويىندارى ءوتتى. ول ويىندا 18 اتالىم بويىنشا 938 ادام باعىن سىنادى. 2005 جىلدىڭ ماۋسىم ايىندا قازاقستاننىڭ دەلفيلىك كوميتەتى زاڭدى تىركەۋدەن ءوتتى.
دەلفيلىك ويىندارعا قاتىسۋ جانە جەڭىمپاز اتانۋ ەڭ جوعارى دەڭگەيدە تانىلىپ, ءوزىڭدى مويىنداتۋ دەگەن ءسوز. ويىنداردى وتكىزۋ قازاقستاننىڭ بولاشاق مادەني ەليتاسىن قالىپتاستىرۋعا سەپتىگىن تيگىزدى.
كەلەسى ءتورتىنشى حالىقارالىق دەلفي ويىندارىن قازاقستاندا وتكىزۋ تۋرالى حالىقارالىق دەلفي كوميتەتىنىڭ ديرەكتورى ۇسىنىس جاساۋى تەگىن بولماسا كەرەك. سەبەبى, دەلفي ويىندارى - قايىرىمدىلىق پەن جاسامپازدىق مۇراتتارىن ناسيحاتتايتىن جوعارى ونەر فورۋمىنا اينالعانى ءسوزسىز.
قازاقستاندىق ويىنعا قاتىسۋشىلاردىڭ حالىقارالىق بايقاۋدا جەتكەن جەتىستىكتەرىنە كەلەر بولساق, ءبىرىنشى جاستار اراسىنداعى دەلفي ويىندارى بريانسك قالاسىندا 2002 جىلى ۇيىمداستىرىلدى. (رەسەي فەدەراتسياسى), ەكىنشى –2004 جىلى كيشينەۆ قالاسىندا (مولدوۆا رەسپۋبليكاسى), ءۇشىنشى –2005 جىلى كيەۆ قالاسىندا (ۋكراينا). بۇل جارىستاردى ءبىزدىڭ قۇراما كەلەسى جەتىستىكتەرگە جەتتى:
2002 جىل -1 التىن مەدال, 1 قولا مەدال, 1 ارنايى ديپلوم;
2004 جىل - 1 التىن مەدال, 2 كۇمىس مەدال, 6 قولا مەدال, 7 ارنايى ديپلوم;
2005 جىل - 1 كۇمىس مەدال, 5 قولا مەدال, 1 ارنايى ديپلوم.
دەلفي ويىندارىنىڭ ماقساتى تاۋەلسىز مەملەكەتتەر دوستاستىعىنا مۇشە ەلدەر اراسىندا حالىقتاردىڭ مادەني مۇرالارىن ساقتاي وتىرىپ, جاستار اراسىنداعى دوستىقتى جانە مادەنيەت ارالىق بايلانىستى نىعايتۋ بولىپ تابىلدى.
2006 جىلى حالىقارالىق دەلفي ويىندارى قازاقستاندا, استانا قالاسىندا ءوتتى. تمد ەلدەرىنىڭ 10 مەملەكەتىنەن 600 قاتىسۋشى قاتىسقان بولاتىن. سونداي-اق, 2012 جىلى دا استانا قالاسىندا حالىقارالىق ويىن ءوز جالعاسىن تاپتى. 16 مەملەتەتتەن 1000-نان اسا قاتىسۋشى ءوزارا سىنعا تۇسكەن بولاتىن.