اقش كولىك مينيسترلىگى جولاۋشىلار مەن ەكيپاج مۇشەلەرىنە Galaxy Note 7 سمارتفوندارىن ۇشاق بورتىنا اكەلۋگە تىيىم سالدى. بۇل تۋرالى BBC اگەنتتىگى حابارلادى.
مەكەمە سايتىنداعى حابارلاماعا سۇەنسەك, سمارتفونداردى قول جۇگىمەن الىپ كىرۋگە عانا ەمەس, جۇكپەن بىرگە تاسىمالداۋعا دا تىيىم سالىندى.
وسىلايشا, مەكەمە جولاۋشىلاردى ۇشاق بورتىندا ءموبيلدى قۇرىلعىدان تۋىنداۋى مۇمكىن ءورت قاۋپىنەن ساقتاعىسى كەلەدى.
«اتالعان تەلەفوندارعا تىيىم سالۋ بىرقاتار جولاۋشىلارعا ىڭعايسىزدىق تۋدىراتىنىن بىلەمىز, الايدا بورتتاعى قاۋىپسىزدىك ودان دا ماڭىزدىراق», - دەلىنگەن اقش كولىك مينيسترلىگىنىڭ ماىلمدەمەسىندە.
بۇدان بىلاي جولاۋشىلار قۇرىلعىنى ۇشاققا الىپ وتۋگە ارەكەتتەنسە, قۇرىلعى تاركىلەنىپ, جولاۋشىعا ايىپپۇل سالىنادى. ەگەر سمارتفوندى جۇك اراسىنا سالىپ, بورتتاعى ءورت قاۋپىن ۇلعايتسا, قىلمىستىق قۋعىنداۋعا ۇشىراۋى دا مۇمكىن.