ليساكوۆسك قالاسىنىڭ 32 جاستاعى تۇرعىنى نادەجدا پوتاپوۆانىڭ ولىمىنە قاتىستى جاڭا دەرەكتەر پايدا بولدى. ول تۋرالى ليساكوۆسك قالالىق پروكۋرورىنىڭ ورىنباسارى مۇرات وسپانوۆ ايتتى, - دەپ جازادى «الاۋ».
جەرگىلىكتى "اكتسەنت" تەلەارناسىنا سىلتەمە جاساعان باسىلىمنىڭ مالىمەتىنە قاراعاندا, نادەجدا پوتاپوۆانىڭ دەنەسى ساياجايدان تابىلعان. كىلەمگە ورالعان دەنە جەرقويمادا جاتقان. دەنەنىڭ ۇستىنە قوقىس تاستالعان.
ء"ولىمىنىڭ سەبەبى - ءتىلاستى سۇيەكتىڭ سىنۋى, كومەيىنە زاقىم تيگەن. ساراپشىلاردىڭ مالىمەتىنشە, ايەلدى تۇنشىقتىرعان. الدىن الا مالىمەت بويىنشا, ايەل جوعالىپ كەتكەن كۇنى-اق, ياعني 26 قىركۇيەكتە قايتىس بولعان. ال كۇدىكتە رەتىندە ليساكوۆسك قالاسىنىڭ 24 جاستاعى تۇرعىنى ۇستالدى, ول تاكسي فيرماسىندا قىزمەت ەتكەن. بۇرىن سوتتالماعان", - دەدى پروكۋروردىڭ ورىنباسارى.
وسىعان دەيىن ەكى بالانىڭ اناسىن ءولتىردى دەلىنگەن كۇدىكتىنىڭ ۇستالعانى حابارلانعان بولاتىن. "قوستاناي وبلىستىق ءىىد ءباسپاسوز قىزمەتىندەگىلەردىڭ مالىمەتىنشە, 24 جاستاعى ەر ادام ۇستالدى. "ول قازىرگى ۋاقىتتا قالالىق ءىىب ۋاقىتتا ۇستاۋ يزولياتورىنا قامالدى. قر قىلمىستىق كودەكسىنىڭ 99-بابى بويىنشا ("ادام ءولتىرۋ") سوتقا دەيىنگى تەرگەۋ جۇمىستارى باستالدى. قاجەتتى ساراپتامالار تاعايىندالدى", - دەگەن ەدى ءباسپاسوز قىزمەتىندەگىلەر.
ەسكە سالايىق, 13 قازانداليساكوۆسك قالاسىندا جوعالىپ كەتكەن ەكى بالانىڭ اناسىنىڭ ءولى تابىلعانى حابارلانعان بولاتىن. قايتىس بولعان ايەل كاسىپكەرلىكپەن اينالىسقان ەكەن, سونداي-اق ول ينتەرناتتا مۇعالىم بولىپ قىزمەت ەتكەن. ليساكوۆسك قالاسىنىڭ پروكۋرورى ەركىن تايكەشوۆتىڭ ايتۋىنشا, وسى دەرەك بويىنشا قىلمىستىق ءىس قوزعالدى.