كەشە پالاتا توراعاسى نۇرلان نىعماتۋليننىڭ توراعالىعىمەن ءماجىلىستىڭ بيۋرو وتىرىسى ءوتتى, دەپ حابارلادى وسى پالاتانىڭ ءباسپاسوز قىزمەتى.
الداعى جالپى وتىرىستا دەپۋتاتتار نازارىنا جابىرلەنۋشىلەرگە زياندى وتەۋ قورى تۋرالى جانە وعان ىلەسپە زاڭ جوباسى ءبىرىنشى وقىلىمدا ۇسىنىلادى دەپ كۇتىلۋدە. زاڭ جوباسى جابىرلەنۋشىلەرگە قىلمىستىق قۇقىق بۇزۋشىلىقتاردان كەلتىرىلگەن زياندى وتەۋ سالاسىندا تۋىندايتىن قوعامدىق قاتىناستاردى رەتتەۋگە باعىتتالعان.
سونىمەن بىرگە, 1995 جىلعى 23 جەلتوقسانداعى رەسەيمەن بايقوڭىر قالاسىنىڭ مارتەبەسى جانە ونداعى اتقارۋشى وكىمەت ورگاندارىن قۇرۋدىڭ ءتارتىبى مەن ولاردىڭ مارتەبەسى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسىن قارايدى. حاتتامانىڭ ماقساتى بايقوڭىر قالاسىندا تىركەلگەن سالىق تولەۋشىلەرگە قوسارلانعان جاناما سالىقتار سالۋ ماسەلەلەرىن رەتتەۋ.
بيۋرو وتىرىسىندا, سونداي-اق, قىلمىستىق, قىلمىستىق-پروتسەستىك جانە قىلمىستىق-اتقارۋ زاڭناماسىن ودان ءارى جاڭعىرتۋ دەگەن تاقىرىپتا پارلامەنتتىك تىڭداۋ وتكىزۋ ماسەلەسى دە تالقىلاندى.