قازاقستان رەسپۋبليكاسىنىڭ ۇلتتىق مۋزەيى قازاق تاريحىنداعى ماڭىزدى وقيعالار بەينەلەنگەن زاماناۋي بەينەلەۋ ونەرى تۋىندىلارىنىڭ ەسكيزدەرىن جاساۋعا بايقاۋ جاريالايدى. بايقاۋعا كەسكىندەمەلىك جانە گرافيكالىق سۋرەت, ءمۇسىن, ينستاللياتسيا سىندى زاماناۋي بەينەلەۋ ونەرى تۋىندىلارى قابىلدانادى.
شارانىڭ ماقساتى – ەلىمىزدىڭ تاريحىنداعى ماڭىزدى وقيعالار مەن تاريحي تۇلعالاردىڭ كوركەم بەينەسىن ناقتى كورسەتۋ ارقىلى جاستاردى وتانسۇيگىشتىككە تاربيەلەۋ, قازاقستان حالقىنىڭ تاريحي وقيعالارعا دەگەن كوزقاراسىن قالىپتاستىرۋ.
بايقاۋ 2016 جىلعى 16 جەلتوقساندا قورىتىندىلانادى. اتالعان شارا قورىتىندىسى بويىنشا كەسكىندەمە, گرافيكا, ءمۇسىن, ينستاللياتسيا اتالىمدارى بويىنشا لاۋرەاتتار انىقتالىپ, ارنايى جۇلدەلەر تاعايىندالادى. تولىعىراق اقپاراتتى www.nationalmuseum.kz سايتىنان الا الاسىزدار.
ەگەمەن-اقپارات