پولشادا تۇسىك جاساۋعا تولىق تىيىم سالۋ جونىندەگى زاڭنىڭ قابىلدانۋىنا قارسى جاپپاي نارازىلىق اكتسياسى وتتى.
ۇيىمداستىرۋشىلاردىڭ ۇسىنىسىمەن شاراعا قاتىسۋشىلاردىڭ بارلىعى قارا ءتۇستى كيىم كيگەن. سونداي-اق جەرگىلىكتى قىز-كەلىنشەكتەر ءوز ەرىكتەرىمەن دەمالىس الۋ قۇقىعىن پايدالانىپ جۇمىسقا شىقپاعان.
نارازىلىق اكتسيالارى كراكوۆ, ۆروتسلاۆ, گدانسك, بەلوستوك, ششەتسين, پوزنان سەكىلدى ەلدىڭ ءىرى قالالارىندا بولىپ ءوتتى.
ۆارشاۆانىڭ بيلىك وكىلدەرى مالىمدەگەندەي, قالا ورتالىعىندا جاۋىنعا قاراماستان 30 مىڭعا جۋىق ادام جينالعان. ميتينگكە ەركەكتەردىڭ دە قاتىسقانى بەلگىلى بولدى.
29 قىركۇيەكتە قوعامدىق اكتسيانى ۇيىمداستىرۋشىلاردىڭ ءبىرى, ەلدىڭ بۇرىنعى پرەمەر-ءمينيسترى ەۆا كوپاچ: «ءبىز پولياك قىزدارىنىڭ تاڭداۋ قۇقىعى بۇزىلۋىنا جول بەرە المايمىز. ولار ساياسي ويىنداردىڭ تۇتقىنى بولا المايدى», دەپ مالىمدەگەن بولاتىن.
ايتا كەتەيىك, پولشادا تۇسىك جاساۋعا تىيىم سالىنۋىنا قارسى نارازىلىقتار ءبىر اپتادان استام ۋاقىت بويى جالعاسىپ كەلەدى. وعان پولشا سەيمىنىڭ ءبىرىنشى وقىلىمدا تۇسىك جاساۋعا تولىق تىيىم سالۋ جانە ول ءۇشىن قىلمىستىق جاۋاپكەرشىلىككە تارتۋ جونىندەگى زاڭ جوباسىنا داۋىس بەرۋى سەبەپ بولدى.
ەگەمەن-اقپارات